नेपाल विद्युत् प्राधिकरणका अनुसार, साउनयता अहिलेसम्म १४ वटा जलविद्युत् आयोजनाबाट उक्त बिजुली राष्ट्रिय प्रणालीमा जोडिएको हो ।
चालू आर्थिक वर्षमा सरकारले एक हजार मेगावाट बिजुली उत्पादन गर्ने लक्ष्य राखेको छ । त्यसमध्ये चालू आवमा ६५० मेगावाटका विभिन्न आयोजना निर्माण सम्पन्न भइ विद्युत् उत्पादन हुने अपेक्षा गरिएको प्राधिकरणका प्रवक्ता राजन ढकालले बताए ।
‘चालू आवको हालसम्म १४ वटा जलविद्युत् आयोजनाबाट विद्युत् उत्पादन भइ ग्रीडमा जोडिइसकेको छ । त्यसबाट ३९३ मेगावाट बिजुली ग्रीडमा थपिएको छ,’ उनले भने, ‘आउँदो असारसम्म थप ६५० मेगावाट विद्युत उत्पादन हुने अपेक्षा गरेका छौं ।’
योसँगै राष्ट्रिय प्रणालीमा ४ हजार मेगावाट बिजुली जडित भएको छ ।
