अख्तियार दुरुपयोग अनुसन्धान आयोगको कार्यालय हेटौंडाबाट खटिएको टोलीले अधिकृत छैटौं अमृत भेटुवालले सेवाग्राहीसँग घुस माग गरिरहेको भन्ने सूचना तथा उजुरीका आधारमा छापा मारेको हो।
अनुसन्धानका क्रममा बिचौलिया लेखापढी व्यवसायी खगेन्द्र पौडेलले सेवाग्राहीबाट रु. ११,५०० (एघार हजार पाँच सय रुपैयाँ)घुस लिइसकेको अवस्थामा फेला परेका थिए। उक्त रकम लिएको पुष्टि भएपछि फागुन १२ गते अर्थात हिजो यातायात व्यवस्था कार्यालय, हेटौंडाबाट उनीहरू दुवै जनालाई नियन्त्रणमा लिइएको हो ।
नियन्त्रणमा लिँदा उनीहरूबाट ३ थान मोबाइल सेटसमेत बरामद गरिएको छ। घटनासम्बन्धी थप अनुसन्धान भइरहेको आयोगले जनाएको छ।
