पौडेलको लगानी यात्रा सजिलो भने थिएन । नाफाले उत्साहित बनाउने क्षणहरू जति आए, नोक्सानीले आत्मसमीक्षा गर्न बाध्य बनाउने दिनहरु पनि उत्तिकै आए। नेप्से सूचकमा हुने उतार–चढाब पौडेलका स्थायी सहयात्री बनिरहे ।
बजारको मनोविज्ञान,कम्पनीको आधारभूत अवस्था र दीर्घकालीन सम्भावनामा केन्द्रित रणनीतिले पौडेललाई क्रमशः परिपक्व र विश्वसनीय लगानीकर्ताको रूपमा उभ्याएको छ ।
बजारबाट सिर्जीत पूँजीलाई इन्स्योरेन्स,हाइड्रोपावर, होटल, उत्पादनमूलक क्षेत्रलगायत थुप्रै कम्पनीमा लगानी गरेका पौडेल आज सफल उद्योगपति समेत बनेका छन् । पौडेलका उद्योगहरूले सयौंलाई रोजगारी दिँदै अर्थतन्त्रमा योगदान पुर्याएका छन् ।
पौडेलको जीवन यात्रा नव प्रवेशी लगानीकर्ताहरुका लागि स्पष्ट मार्गदर्शन हो। सही ज्ञान, धैर्य र दृष्टिकोण भए जोखिम पनि अवसरमा रूपान्तरण हुन सक्छ भन्ने दृष्टान्त पनि हो । लगानीकर्ताहरुका लागि तीनै प्रेरणाका स्रोत इन्भेष्टर्स फोरमका पूर्व अध्यक्ष अम्बिका प्रसाद पौडेललाई ‘मेरो लगानी मार्केट लेजेन्ड्स सिरिज’मा स्वागत गर्दछौं ।
