कम्पनीको शेयर हिजो अर्थात चैत १० गते, मंगलबार नेप्सेमा सूचीकृत भएको थियो। कम्पनीले सर्वसाधारणमा वितरण गरेको ३१ लाख कित्ता र कम्पनीका संस्थापक शेयरधनीहरुले लगानी गरेको १ करोड २४ लाख कित्ता शेयर गरी कुल १ करोड ५५ लाख कित्ता नेप्सेमा सूचीकृत भएको हो।
नेप्सेले कम्पनीको पहिलो कारोबारका लागि १०० रुपैयाँदेखि ३०० रुपैयाँसम्मको ओपनिङ्ग रेञ्ज प्रदान गरेको थियो। सोही रेञ्जका आधारमा यस दिनको स्पेशल प्रि ओपन सेसनमा कम्पनीको पहिलो कारोबार भएको हो। अब कम्पनीको शेयर नियमित बजारमा कारोबार गर्न सकिनेछ। नेप्सेले कम्पनीलाई (SKHL) स्टक टिकर प्रदान गरेको छ।
