आगामी सन् २०२६ अप्रिल १५ अर्थात नेपाली नयाँ २०२‍८३ काे सुरुमै भीनफास्टको भीएफ एमपीभी–७ इलेक्ट्रिक गाडी सार्वजनिक हुने भएको छ । खासगरी, भारतीय बजारमा लन्च हुन लागेको यो गाडीको बुकिङ खुला भइसकेको छ ।

उक्त एसयूभी खरिद गर्न चाहने ग्राहकले २१ हजार भारतीय रुपैयाँको टोकन रकमबाट बुकिङ सुरु गरेको हो । गाडी खरिद गर्न इच्छुक ग्राहकले भीनफास्टका आधिकारीक डिलरसीप वा भीनफास्टको आधिकारीक वेबसाइटमार्फत गाडी बुकिङ गर्न सकिने कम्पनीले जनाएको छ ।

यो एसयूभीको मूल्य भने लन्च हुँदाकै दिन अर्थात अप्रिल १५ मा सार्वजनिक गरिनेछ । कार निर्माता कम्पनीका अनुसार, यो इभी गाडी सिग्नेचर गोल्डेन रेशियो अनुपातमा आधारित भइ विकास गरिएको छ । यसको पाङ्ग्रामा क्याबिन स्पेस अधिकतम बनाउने कुनाहरुतिर धकेलिएका छन् ।

इलेक्ट्रिक एमपीभी ६०.१३ किलोवाटको ब्याट्री प्याकका साथ उपलव्ध हुनेछ । जुन, पूर्ण चार्ज गर्दा ५०० किलोमिटरभन्दा बढीको ड्राइभिङ दायरा प्रदान गर्ने कम्पनीले जनाएको छ । कम्पनीले आधिकारीक रुपमा पावर र टर्क तथ्यांक अझै खुलासा नगरे पनि भारतमा उत्पादन हुने यो मोडेलको एसयूभीले विश्वव्यापी विशिष्ट संस्करणमा जस्तै २४० बिएचपी र २८० एनएम टर्क उत्पादन गर्ने अपेक्षा गरिएको छ ।

यो इभीमा फ्रस्ट एक्सल माउन्ट गरिएको इलेक्ट्रिक मोटर हुनेछ । र, फ्रन्ट ह्रील ड्राइभ प्रणालीको साथमा तीन ड्राइभ मोडहरु जस्तैः इको, कम्फर्ट र स्पोर्ट प्रदान गर्दछ । यो इभीले द्रत चार्जिङ क्षमतालाई बढावा दिएको छ । यो इभी १० देखि ७० प्रतिशत चार्ज हुन लगभग ३० मिनेट लाग्ने कम्पनीले जनाएको छ । यसले ११ किलोवाट एसी चार्जिङलाई पनि समर्थन गर्ने कम्पनी दाबी छ ।

यस्ता छन् सुविधा तथा विशेषताहरुः 

१०.१ इन्चको टचस्क्रिन इन्फोटेनमेन्ट

HUD (हेड-अप डिस्प्ले)

स्टियरिङ-माउन्ट गरिएको नियन्त्रणहरू

रियर एसी भेन्टहरू

USB चार्जिङ पोर्टहरू

एकल-जोन जलवायु नियन्त्रण

चाबीविहीन कार्यहरू

स्टियरिङ नजिकै माउन्ट गरिएको ड्राइभ चयनकर्ता

PM2.5 एयर फिल्ट्रेसन

बहु एयरब्यागहरू

EBD सहित ABS

इलेक्ट्रोनिक स्थिरता नियन्त्रण

रियर पार्किङ सेन्सर र क्यामेरा

कृत्रिम छालाको अपहोल्स्ट्री

भण्डारण सहितको ठूलो केन्द्र कन्सोल

रिक्लाइनिङ र लचिलो सिट कन्फिगरेसन

सिग्नेचर V-आकारको LED DRL हरू

जडित LED टेलल्याम्पहरू

एरो-अनुकूलित मिश्र धातु पाङ्ग्राहरू

टर्न इन्डिकेटरहरू सहितको विद्युतीय रूपमा समायोज्य ORVM हरू