सरसर्ती हेर्दा, बजेटले अटो क्षेत्रका लागि केही कर र सहुलियतका कार्यक्रम ल्याएकाले स्वागत योग्य नै रहेको नाडा अटोमोबाइल्स एशोसिएन अफ नेपालका अध्यक्ष सुरेन्द्रकुमार उप्रेतीले बताए ।
उनका अनुसार, बजेटले इलेक्ट्रिक सवारी साधनमा पिकआवर क्षमताका आधारमा लाग्दै आएको भन्सार महशुललाई मूल्यगत आधारमा लगाउन भनेको छ । जुन, निकै सकारात्मक छ । विगतमा पीक पावरका आधारमा भन्सार महशुल लगाउँदा ढाँट्ने र अपारदर्शीता हुने गरेकोमा बजेटको उक्त व्यवस्थाले सहज हुने उनको भनाइ छ ।
त्यस्तै, बजेटले इभी स्वदेशमा उत्पादन, चार्जिङ स्टेशन निर्माण र व्याट्रीको व्यवस्थापनका लागि पैठारी बिन्दुमा शुल्क लगाउने व्यवस्था गरेको छ । त्यस्तै, बजेटमा अन्तिम तहको उपभोक्तालाई बिक्री गरिने मासिक ५० युनिटभन्दा बढीको विद्युत् खपतमा सहुलियत दरमा मूल्य अभिवृद्धि कर लगाउने व्यवस्था गरेको छ ।
‘सरसर्ती हेर्दा अटोमोबाइल क्षेत्रका लागि भन्ने हो भने बजेट राम्रो नै छ,’ उनले भने, ‘अझ रातो बुकमा आएपछि अझै स्ष्ट रुपमा भन्न सकिएला ।’ उनका अनुसार, कच्चा पदार्थमा कर घटाएको, विद्युतमा डिमाण्ड छुटलगायतका विभिन्न सहुलियत दिएको छ ।
