सार्प रिबाउण्ड
अप्रिल महिनादेखि घट्दो क्रममा रहेको यस कम्पनीको शेयरमूल्य यस साता महत्वपूर्ण सपोर्ट जोनबाट बलियो रिकभरी (सार्प रिबाउण्ड) भएको देखिन्छ। साताको अन्तिम कारोबार दिन कम्पनीको शेयरमूल्य एकै दिन ८.८२ प्रतिशत बढेर ठूलो बुलिश मारुबोजु मैनबत्ती बनाएको छ। यसले बजारमा खरिदकर्ताहरु अचानक निकै आक्रमक रुपमा हाबी भएको संकेत गर्दछ।
ब्रेकआउटको दिशामा
गत साता कम्पनीको शेयरमूल्यले १० दिने, २५ दिने, ५० दिने र १०० दिने मुभिङ एभरेजहरुलाई एकैदिनमा काटेर उक्लिएको छ। यसले अल्पकालीन रुपमा बियरिश प्रवृत्ति सकिएको संकेत गर्दछ। अब कम्पनीको शेयरमूल्य १ हजार ५५० देखि १ हजार ५५५ को प्रतिरोध ब्रेकआउट गर्ने दिशामा पुगेको छ।
एआई सिग्नल
मेरोलगानी एआईले हालसम्म कम्पनीको शेयरमा १५ पटक काई सिग्नल दिइसकेको छ। जसमध्ये १३ सिग्नलमार्फत लगानीकर्ताहरुले नाफा कमाएका थिए भने दुई सिग्नलमा स्टप लस गर्नु परेको थियो। हाल मेरोलगानी एआईले कम्पनीको शेयरमा कुनै सिग्नल दिएको छैन।
मूल्यवृद्धिलाई भोल्यूमको साथ
गत साताको अन्तिम कारोबार दिन कम्पनीको शेयरमूल्य उच्च बढ्दा भोल्यूम पनि २० दिने औषत भोल्यूमभन्दा बढी रहेको छ। यसले कम्पनीको सो दिनको मूल्यवृद्धिलाई भोल्यूमले साथ दिएको संकेत गर्दछ।
बुलिश क्रशओभर
गत शुक्रबार कम्पनीको एमएसिडी रेखाले सिग्नल रेखालाई तलबाट काटेर माथि लागेको छ। यससँगै एमएसिडीमा बुलिश क्रशओभर बनेको छ। यसले आगामी दिनमा कम्पनीको शेयरमूल्य बढ्ने संकेत गर्दछ। त्यस्तै, कम्पनीको हिस्टोग्राम पनि नकारात्मक क्षेत्रबाट सकारात्मक भएको छ।
खरिदबिक्री चाप सन्तुलनमा
साताको अन्तिम कारोबार दिन स्टकास्टिक आरएसआईमा कम्पनीको शेयरमूल्य न्यूट्रल जोनमा पुगेको छ। यसले सो साता कम्पनीको शेयरमा खरिदबिक्री चाप सन्तुलनमा रहेको संकेत गर्दछ।
वित्तीय अवस्था
गत आर्थिक वर्षको चैत मसान्तसम्ममा कम्पनी ७ करोड ४० लाख रुपैयाँ नोक्सानीमा रहेको छ। अघिल्लो आर्थिक वर्षको सोही अवधिसम्ममा कम्पनी ६ करोड ९१ लाख रुपैयाँ नाफामा थियो।
लगानी बिक्रीबाट हुने नाफा घटेसँगै कम्पनी नोक्सानीमा पुगेको हो।
समीक्षा अवधिमा कम्पनीको लगानी बिक्रीको नाफा ४ करोड ७ लाख रुपैयाँबाट घटेर १ लाख ४३ हजार रुपैयाँमा सीमित भएको छ। त्यस्तै, समीक्षा अवधिमा कम्पनीको लाभांश आम्दानी २७ लाख ६४ हजार रुपैयाँबाट घटेर २३ लाख ७५ हजार रुपैयाँमा झरेको छ। समीक्षा अवधिमा कम्पनीको कुल आम्दानी १० करोड ३८ लाख रुपैयाँबाट घटेर २ करोड ५६ लाख रुपैयाँमा झरेको छ भने कुल खर्च १ करोड ८७ लाख रुपैयाँबाट बढेर २ करोड ६१ लाख रुपैयाँ पुगेको छ।
१ अर्ब ७९ करोड ८१ लाख २१ हजार रुपैयाँ चुक्ता पूँजी रहेको यस कम्पनीको रिटेन्ड अर्निङ्ग ७१ करोड ९५ लाख रुपैयाँ रहेको छ।
नाफासँगै कम्पनीको प्रतिशेयर आम्दानी पनि ऋणात्मक भएको छ। अघिल्लो आर्थिक वर्षको तेस्रो त्रैमाससम्ममा ५ रुपैयाँ ३९ पैसा रहेको कम्पनीको प्रतिशेयर आम्दानी, गत आर्थिक वर्षको सोही अवधिसम्ममा ५ रुपैयाँ १० पैसा ऋणात्मक भएको छ। तेस्रो त्रैमासको अन्त्यसम्ममा कम्पनीको प्रतिशेयर नेटवर्थ १७२ रुपैयाँ ४४ पैसा रहेको छ। साताको अन्तिम कारोबार मूल्य अनुसार कम्पनीको प्राइस टु बुकभ्यालु रेशियो ८.४८ गुणा रहेको छ।
आधारभुत अवस्था
हाल नेप्सेमा कम्पनीको १ करोड ७९ लाख ८१ हजार २१२ कित्ता शेयर सूचीकृत छन्। कम्पनीको १८० दिने औषत मूल्य १ हजार ४८२ रुपैयाँ २८ पैसा रहेको छ। त्यसैगरी, कम्पनीको ५२ हप्ताको उच्च मूल्य २ हजार ४४४ रुपैयाँ रहेको छ भने न्यून मूल्य १ हजार २८० रुपैयाँ रहेको छ। साताको अन्तिम कारोबार मूल्य अनुसार कम्पनीको कुल बजार पूँजीकरण २६ अर्ब २९ करोड ९३ लाख २० हजार ६७१ रुपैयाँ २० पैसा रहेको छ।
ब्रोकर ५८ बाट सर्वाधिक खरिदबिक्री
गत साता ब्रोकर नम्बर ५८ ले कम्पनीको सबैभन्दा बढी शेयर खरिद गरेको छ। सो ब्रोकरले गत साता कम्पनीको १ लाख ३५ हजार ८३२ कित्ता शेयर खरिद गरेको हो। त्यसैगरी, सो साता सोही ब्रोकरले कम्पनीको सबैभन्दा बढी शेयर बिक्री गरेको छ। सो ब्रोकरले गत साता कम्पनीको १ लाख १९ हजार ९०७ कित्ता शेयर बिक्री गरेको छ।
मूल्य घट्ने डर कम हुँदै
फियर एण्ड ग्रीड मिटरमा कम्पनीको शेयरमूल्य अहिले फियर जोनबाट न्यूट्रल जोनतर्फ गइरहेको छ। यसले लगानीकर्ताहरुमा कम्पनीको शेयरमूल्य घट्छ भन्ने डर कम भएको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)
