विशेषगरी गत भदौ १० गते रसुवाको भोटेकोशीमा आएको विनाशकारी बाढीपछिको अवस्थालाई लिएर बैठक केन्द्रित रहनेछ। बाढी प्रभावित क्षेत्रमा सरकार खोज, उद्धार, उपचार, राहत वितरण तथा विस्थापित नागरिकहरूको पुनःस्थापनामा निरन्तर जुटिरहेको छ।
यसै सन्दर्भमा उद्धार तथा राहत कार्यलाई अझ प्रभावकारी, द्रुत र व्यवस्थित बनाउन तथा आवश्यक नीतिगत निर्णयहरू लिन प्रधानमन्त्रीले यो बैठक आह्वान गरेका हुन्। बैठकबाट पीडितहरूको दीर्घकालीन पुनःस्थापनासम्बन्धी महत्त्वपूर्ण निर्णयहरू हुने अपेक्षा गरिएको छ।
