विभागले गत जेठ ७ गते सूचना जारी गर्दै नेपालमा पैठारी हुने सार्वजनिक सवारीसाधनको दर्ता अर्को व्यवस्था नभएसम्मका लागि रोक लगाएको थियो। त्यसपछि साउन १८ गते सार्वजनिक मालबाहक सवारीसाधनको दर्ता खुला गरिएको भए पनि यात्रुवाहक सवारीको दर्ता भने बन्द नै रहेको थियो।
विभागका अनुसार काठमाडौँ उपत्यकाभित्रको रुट तथा सवारी चाप व्यवस्थापनलाई ध्यानमा राखी हाललाई असोज १ गतेदेखि लागू हुने गरी उपत्यकाबाहिर मात्र दर्ता हुने गरी विद्युतीय सार्वजनिक यात्रुवाहक सवारीसाधनलाई प्राथमिकता दिँदै दर्ता खुला गरिएको छ।
यसैगरी, काठमाडौँ उपत्यकाभित्र भने तत्कालका लागि स्कुल बस तथा सट्टाभर्ना (पुरानो सवारीको बदलामा नयाँ दर्ता) को हकमा मात्र सार्वजनिक सवारीसाधन दर्ता गर्न पाइने विभागले जनाएको छ।
