प्रहरीका अनुसार पक्राउ पर्नेमा ४६ वर्षीय अस्लाम शोकत रहेका छन्। उनलाई आइतबार दिउँसो विमानस्थलबाट करिब ४२२ ग्राम ४ सय मिलिग्राम तौलको सुन जस्तो देखिने पहेंलो अर्धठोस पदार्थसहित पक्राउ गरिएको हो।
त्रिभुवन अन्तर्राष्ट्रिय विमानस्थल सुरक्षा कार्यालय, गौचरबाट खटिएको प्रहरीले मुम्बईबाट काठमाडौं आएको इन्डिगो एयरको उडानबाट ओर्लिएका शोकतलाई उक्त पदार्थसहित फेला पारेको जनाएको छ।
प्रहरीले बरामद पदार्थ सुन नै हो वा होइन भन्ने विषय आवश्यक परीक्षण तथा अनुसन्धानपछि खुल्ने जनाएको छ।
पक्राउ परेका शोकतलाई आवश्यक अनुसन्धान तथा कारबाहीका लागि त्रिभुवन अन्तर्राष्ट्रिय विमानस्थल भन्सार कार्यालय, गौचर, काठमाडौं पठाइएको प्रहरीले जनाएको छ।
