गरिमाले बैशाख १४ गतेदेखि ७० प्रतिशत हकप्रद सेयर जारी गर्ने

Apr 06, 2017 merolagani
0



गरिमा विकास बैंक (GBBL) ले नेपाल राष्ट्र बैंकले तोकेको चुक्तापूँजी पुर्याउने क्रममा ७० प्रतिशत हकप्रद बैशाख १४ गतेदेखि खुला गर्ने भएको छ । बैंकले एक सय रुपैँया अंकित मूल्यको ९० लाख ७६ हजार दुई सय ९६ कित्ता सेयर निष्काशन गर्न लागेको हो ।

बैंकले हकप्रद निष्काशनको प्रयोजनका लागि यहि चैत ३० गते सेयरधनी दर्ता पुस्तिका बन्द गर्ने भएको छ । बैंकको हकप्रद लिन ईच्छुक लगानीकर्ताले चैत्र २९ गतेसम्म सेयर खरिद गरिसकेको हुनुपर्नेछ । बैंकको फागुन ६ गते सम्पन्न दशौ साधारणसभाले २० प्रतिशत बोनसपछि ७० प्रतिशत हकप्रद निष्काशनको प्रस्ताव पारित गरेको थियो ।

गरिमा विकास बैंकले हाल कायम चुक्ता पूँजीको ७० प्रतिशत अर्थात कुल ९० करोड ७६ लाख २९ हजार छ सय ६६ रुपैँयाको हकप्रद सेयर निष्काशन गर्न लागेको हो । हकप्रद निष्काशन पश्चात बैंकको पूँजी दुई अर्ब २० करोड रुपैँया हाराहारीमा पुग्नेछ ।

 

                  {....७० प्रतिशत हकप्रदका लागि गरिमाले तोक्यो बुक क्लोजको मिति....}

शुभेच्छा विकास बैंकलाई गाभेको गरिमाको एक अर्ब आठ करोड रुपैँया चुक्ता पूँजी रहेको छ । बैंकले चालु आर्थिक वर्षको दोस्रो त्रैमासमा १५ करोड ९५ लाख ४७ हजार रुपैंया खुद नाफा कमाएर प्रतिशेयर आम्दानी २९ रुपैंया ५३ पैसा कायम गरेको छ । धितोपत्र बजारमा बैंकको सेयर विहीबार प्रतिकित्ता पाँच सय रुपैँया हाराहारीमा कारोबार भैरहेको छ ।




हकप्रद घोषणा गर्दै मूल्य बढाउँदै कम्पनीहरु

Apr 02, 2025 06:07 AM

बाबुकृष्ण महर्जन

नेप्सेमा हालै लघु बीमा कम्पनीअन्तर्गतको पहिलो कम्पनी गार्डियन माइक्रो लाइफ इन्स्योरेन्स सूचीकृत भयो । हालै आइपीओ जारी भएर सूचीकृत भएको गार्डियन माइक्रो लाइफको शेयर मूल्य २३ सय रुपैयाँको हाराहारीमा कारोबार भइरहेको थियो ।