मन्त्री गिरीले चन्द्रागिरी परियोजनाको स्थलगत भ्रमण गरेको विज्ञप्तीमा उल्लेख छ । विभागीय मन्त्रीको हैसियतले चन्द्रागिरि केबलकार परियोजनालाई पर्यटकीय गन्तव्यको सूचीमा सूचीकृत गर्न पहल गर्ने आश्वासन दिँदै मन्त्री गिरीले नेपालको पर्यटन विकासमा नीजि क्षेत्रको भूमिका महत्त्वपूर्ण रहने विश्वास व्यक्त गरेका थिए ।
ऐतिहासिक, धार्मिक तथा पर्यटकीय गन्तव्यको रुपमा रहेको चन्द्रागिरि डाँडामा भालेश्वर महादेवको मन्दिर, सत्तल, भ्यू टावर, चिल्ड्रेन पार्क र सेमिनार हल लगायतका पूर्वाधार आकर्षण बनेका छन् । भ्यूटावरमा रहेको दुर्विनबाट सगरमाथा लगायत अन्य हिमश्रृखलाहरुको समेत दृश्यावलोकन गर्न सकिन्छ ।
