धितोपत्र बोर्डको निर्देशन कार्यान्वयनमा आएसँगै मुक्तिनाथले पहिलो पटक उपत्यका बाहिरबाट सेयर लिलामी लिन लागेको हो । बोलकबोल प्रकृयामा लगानीकर्ताले कार्तिक २३ गतेदेखि ३० गतेसम्म आवेदन दिन सक्ने छन् ।
मुक्तिनाथ विकास बैकले गत भदौ ४ गतेदेखि असोज ८ गतेसम्म निष्कासन गरेको हकप्रदमा बिक्री नभएको एक लाख ६२ हजार ८०३ कित्ता शेयर बोलकबोल मार्फत बिक्री गर्न लागेको हो । जसमा २७ हजार ७६५ कित्ता संस्थापक र एक लाख ३५ हजार ३७ कित्ता साधारण शेयर रहेको छ ।
मुक्तिनाथको लिलामीको सेयरमा एनआईबिएल क्यापिटलको केन्द्रीय कार्यालय र मुक्तिनाथ बिकास बैंकको शाखा कार्यालय पोखरा, बिरगंज, बुटवलका तथा नेपाल इनभेष्टमेन्ट बैंकको शाखा कार्यालय बिराटनगर, नेपालगञ्ज र धनगढीमा शिलबन्दी बोलपत्र आवेदन दिन सकिने एनआईबिएल क्यापिटलले जनाएको छ ।
यसका साथै मुक्तिनाथ बिकास बैंक, काठमाण्डौ उपत्यकाबाहिरका लगानीकर्तालाई बोलकबोल मार्फत हकप्रद सेयर बिक्री गर्ने पहिलो बैक हुने भएको छ ।
उता अल्पाइन डेभलपमेन्ट बैंकको भने आजसम्म शिलबन्दी बोलपत्र पेश गर्ने समय रहेको छ ।
बैंकले हकप्रदमा अवितरित साधारण समूहको ७१ हजार ५७१ कित्ता र संस्थापक समूहको एक लाख ८७ हजार ६७८ कित्ता सेयर लिलाम बढाबढमा विक्री खोलेको थियो ।
बैंकको सेयर विक्री प्रबन्धक एनएमबि क्यापिटल रहेको छ । इच्छुक बोलपत्रदाताले बिक्री प्रबन्धक एनएमबि क्यापिटल लिमिटेड, नागपोखरी तथा अल्पाइनको प्रधान कार्यालय हेटौडा–४, मकवानपुरमा कात्तिक २३ गतेसम्म शिलबन्दी बोलपत्र पेश गर्न सक्नेछन् ।
संस्थापक समूहको बोलपत्र कात्तिक २४ गते दिउँसो २ बजे र सर्वसाधारण समूहको सोही दिन २ ३० बजे एनएमबि क्यापिटल लिमिटेड, नागपोखरीमा खोलिने जनाईएको छ । अल्पाईन डेभलपमेन्ट बैंक सेञ्चुरी बैंकसँग प्राप्ती प्रकृयामा रहेको छ ।
-----------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
