यस सेवाले ग्राहकहरु थप लाभान्वीत हुने बैंकले जनाएको छ । नयाँ प्रमुख कार्यकारीको रुपमा विनय रिजाल नियुक्त भएसँगै बैंकले आफ्नो सेवा आधुनिक, सबल, प्रभावकारी बनाउँदै कर्मचारी तालीम पनि थालेको छ ।
बैंकको सिइओ रिजालले बाणिज्य बैंकभन्दा आफ्नो बैंक स्थानिय स्तरमा लोकप्रिय रहेको बताउँदै ग्राहकलाई सेवाबाट पूर्ण सन्तुष्ट बनाउने बैंकको लक्ष्य रहेको बताए । बैंकले कार्यक्षेत्र बढाएर ५ जिल्ला बनाउन लागेको जानकारी दिँदै उनले बैशाखबाटै एटिएम सेवाको पनि सुरुवात गर्ने उल्लेख गरे ।
५० करोड ९६ लाख रुपैयाँ सेयर पूँजी रहेको बैंकले चैतसम्म ३ अर्ब ४२ करोड निक्षेप संकलन गरि दुई अर्ब ९८ करोड रुपैयाँ कर्जा प्रवाह गरेको जनाएको छ । बैंकमा १० करोड ५३ लाख रुपैयाँ सञ्चित कोष रहेको छ ।
तीन जिल्ला कार्यक्षेत्र रहेको सहयोगीको जनकपुरमा मुख्य कार्यालय रहेको छ । बैंकले ८ स्थानमा शाखा विस्तार गरि आधुकि भरपर्दो, र स्तरिय सेवा प्रदान गर्दे आइरहेको छ भने थप ४ शाखा विस्तार गर्ने बताएको छ । साथै बैंकले बैशाखबाटै आफ्नो कार्यालय निमार्ण गर्ने बताएको छ ।
