गत वर्षको तेश्रो त्रैमाससम्म कम्पनीले ४३ लाख ३८ हजार नाफा आर्जन गरेकोमा हाल ४२ लाख ३३ हजार रुपैयाँ मात्र खुद नाफा आर्जन गरेको हो ।
४ करोड १४ लाख ७३ हजार रुपैयाँ चुक्ता पूँजी रहेको फाइनान्स कम्पनीले एक करोड १७ लाखबाट जगेडा कोष बढाएर एक करोड २७ लाख रुपैयाँ सञ्चित गरेको छ ।
चैतसम्ममा फाइनान्सले २० कराेड ४० लाख रूपैयाँ निक्षाेप संकलन गरेर २० कराेड ९९ लाख कर्जा लगानी गरेकाे छ । यस अवधिमा कम्पनीले दुई करोड २० लाख ब्याज कमाएर एक करोड १८ लाख खर्च गरि एक करोड एक लाख खुद ब्याज आम्दानी आर्जन गरेको छ । गत वर्षको यसै अवधिमा फाइनान्सले ८३ लाख रुपैयाँ खुद ब्याज आम्दानी आर्जन गरेको थियो ।
फाइनान्स कम्पनीकाे खराब कर्जा अनुपात ४.९७ प्रतिशत रहेकाे छ । गत बर्ष ६.२१ प्रतिशत रहेकाे थियाे । फाइनान्सकाे प्रतिसेयर अाम्दानी १३ रूपैयाँ ६१ पैसा रहेकाे छ ।
