आर्इपिओ निष्काशनको तयारीमा रहेको गुराँस लघुवित्त नोक्सानी घटाउँदै

Nov 14, 2018 Merolagani

गुराँस लघुवित्तले चालु आर्थिक वर्षको पहिलो त्रैममासमा नोक्सानी घटाएको छ । गत आर्थिक वर्षको पहिलो त्रैमासमा २८ लाख ८३ हजार रुपैयाँ नोक्सानी व्योहोरेको लघुवित्तले एक वर्षको अवधिमा ११ लाख ६७ हजार रुपैयाँ नोक्सानी घटाएको छ ।

चालू आर्थिक वर्षको पहिलो त्रैमास अर्थात असोज मसान्तसम्म लघुवित्त १७ लाख १६ हजार रुपैयाँ नोक्सानीमा छ ।

४ करोड २० लाख रुपैयाँ चुक्तापूँजी रहेको लघुवित्तको जगेडा कोष ५५ लाख ३६ हजार रुपैयाँले ऋणात्मक छ ।

यस अवधिमा ६ करोड ५७ लाख रुपैयाँ निक्षेप संकलन तथा ४२ करोड ७५ लाख रुपैयाँ सापटी लिएको लघुवित्तले ४८ करोड ३१ लाख रुपैयाँ कर्जा परिचालन गरेको छ ।

लघुवित्तले १ करोड ५९ लाख रुपैयाँ व्याज वापत आम्दानी गरेको छ भने १ करोड २० लाख रुपैयाँ व्याजको लागि खर्च गरेको छ ।

लघुवित्तको खराब कर्जा अनुपात २.९५ प्रतिशत छ ।

लघुवित्तले २ करोड ५० लाख कित्ता आईपिओ निष्काशन गर्ने प्रस्ताव कार्तिक १७ गते सम्पन्न तेस्रो साधारणसभाबाट पारित गरिसकेको छ ।

 


comments powered by Disqus

मध्य भोटेकोसीले आइपीओ निष्कासन गर्न बोर्डसँग माग्यो अनुमति

Jan 23, 2020 08:09 PM

मध्य भोटेकोसी जलविद्युत आयोजनाले प्राथामिक शेयर (आइपीओ) निष्काशन गर्न बोर्डसँग अनुमति मागेको छ। कम्पनील स्थानीय र सर्वसाधारणका लागि एक अर्ब ५० करोड रुपैयाँ बराबरको आइपीओ निष्काशनको लागि बोर्डसँग अनुमति मागेको हो।