नयाँ नेपाल लघुवित्तको लिलामी शेयरमा बोलपत्र आवेदन खुल्यो, स्वदेशीको मंसिर २० देखि खुल्ने

Nov 29, 2018 Merolagani

नयाँ नेपाल लघुवित्तले हकप्रदमा अवितरित शेयरमा मंसिर १३ गते बिहीबार (आज) देखि बोलपत्र आवेदन खुला भएको छ भने स्वदेशी लघुवित्तले पनि हकप्रदमा अवितरित शेयर मंसिर २० गतेदेखि लिलाम बढाबढमा बिक्री गर्ने भएको छ ।

नयाँ नेपाल लघुवित्त (NNLB) ले हकप्रदमा बिक्री नभएको एक लाख ३ हजार ३५३ कित्ता शेयरमा लिलामी खुला गरेको हो । जसमध्ये १७ हजार २६० कित्ता साधारण शेयर र ८६ हजार ९३ कित्ता संस्थापक शेयर रहेको छ ।

यस शेयरमा मंसिर २० गतेसम्म लिलामीका लागि शिलबन्दी बोलपत्र पेश गर्न सकिनेछ । इच्छुक लगानीकर्ताले लघुवित्तको शेयर बिक्री प्रबन्धक एनएमबि क्यापिटल, नागपोखरी काठमाडौं तथा एनएमबि बैंकको वीरगञ्ज, विराटनगर, पोखरा, नेपालगञ्ज, सुर्खेत, बुटवल र धनगढी शाखाबाट लिलामीमा आवेदन गर्न सक्नेछन् ।

यस शेयरमा मंसिर २८ गतेसम्म लिलामीका लागि शिलबन्दी बोलपत्र पेश गर्न सकिनेछ । लघुवित्तको शेयर मंसिर १२ गते बुधबार प्रतिकित्ता ५२० रुपैयाँमा कारोबार भएको छ ।

लघुवित्तले साउन २७ देखि भदौ ३१ गतेसम्म चुक्ता पूँजीको २५० प्रतिशत बराबरको ६ लाख कित्ता हकप्रद शेयर निष्काशन गरेको थियो । सो हकप्रदमा अवितरित शेयर लिलामी मार्फत बिक्री गर्न लागेको हो ।

हाल दुई करोड ४० लाख रुपैयाँ चुक्ता पूँजी रहेको नयाँ नेपाल लघुवित्तले चालू आवको प्रथम त्रैमासमा २१ लाख ९४ हजार रुपैयाँ खुद नाफा कमाएर प्रतिशेयर आम्दानी वार्षिक ३५ रुपैयाँ ५६ पैसा कायम गरेको छ । 

लिलामी शेयर बिक्री गरिसकेपछि नयाँ नेपाल लघुवित्तकाे चुक्त्ता पूँजी ८ करोड ४० लाख रुपैयाँ पुग्नेछ ।

त्यसैगरि स्वदेशी लघुवित्त वित्तीय संस्था (SDESI) ले मंसिर २० गतेदेखि ६२ हजार ५ कित्ता साधारण शेयर लिलामीमा बिक्रीमा ल्याउने भएको छ । स्वदेशीले चुक्ता पूँजीको बराबर ११ लाख ५० हजार कित्ता हकप्रद बिक्री खुला गरेकोमा अवितरित भएको परिमाण लिलामी मार्फत बिक्रीमा ल्याउने भएको हो ।

इच्छुक लगानीकर्ताले लघुवित्तको शेयर बिक्री प्रबन्धक एनआईशी एशिया क्यापिटल बबरमहल, स्वदेशी लघुवित्तको कार्यालयहरु इटहरी सुनसरी,नौबस्ता बाँके, भरतपुर चितवन, पोखरा कास्की, बुटवल रुपन्देही, जितपुर बारा, बेलबारी मोरङ्ग, र अत्तरिया कैलाली बाट शिबन्दी बोलपत्र आवेदन प्राप्त गर्न र बुझाउन सक्नेछन् ।

लघुवित्तको शेयर मंसिर १२ गते बुधबार प्रतिकित्ता ६३० रुपैयाँमा कारोबार भएको छ ।

लघुवित्तले असोज २३ देखि कार्तिक २६ गतेसम्म चुक्ता पूँजीको एक बराबर एक अनुपातमा हकप्रद जारी गरेकोमा अवितरित शेयर लिलामी मार्फत बिक्री गर्न लागेको हो ।

११ करोड ५० लाख रुपैयाँ चुक्ता पूँजी रहेको स्वदेशीको लिलामी शेयर बिक्रीपछि २३ करोड रुपैयाँ पुग्नेछ ।

चालू आर्थिक वर्षको पहिलो त्रैमासमा यस लघुवित्तले ८३ लाख ४७ हजार रुपैयाँ खुद नाफा कमाएर प्रतिशेयर आम्दानी २९ रुपैयाँ ३ पैसा कायम गरेको छ ।

दुबै लघुवित्तको लिलामी शेयरमा लगानीकर्ताले १०० कित्ता देखि लिलामी माग गरिएको अधिकतम कित्तासम्म आवेदन गर्न पाउनेछन् भने न्यूनतम १०० रुपैयाँदेखि बढाबढ मूल्यमा बोलकबोल गर्न सक्नेछन् ।


comments powered by Disqus

नाडा अटाे साे भदाै १० देखि भृकुटी मण्डपमा हुने

Aug 18, 2019 06:41 PM

काठमाडौंको भृकुटीमण्डपमा नाडा अटो शो  हुने भएको छ । यहि भदौ १० गतेदेखि शुरू हुने अटो सोमा ९५ ब्राण्डका सवारी साधन र त्यसमा प्रयोग हुने सामाग्री रहने आयोजकले बताएको छ ।