चीनमा नयाँ नियमः कर नतिरे देश छोड्न नपाइने

Jan 01, 2019 Merolagani



नयाँ बर्षको सुरुवातसँगै चीनको कर संकलन प्राधिकरणले नयाँ नियम बनाएको छ । यो नियमका अनुसार कुनै पनि व्यवसायी, कम्पनी वा व्यक्ति जो कोहीको पनि कर बाँकी छ भने उनीहरुले देश छोडेर जान नपाउने भएका छन् ।

नयाँ नियमको दायरामा सुरुमा यस्ता कारोबारी, कम्पनी तथा नोकरी पेसा गर्ने मानिस आउने छन्, जसले १ लाख युआन अर्थात् करिब १७ लाख रुपैयाँ बराबरको कर तिर्न बाँकी रहेको छ ।

यो परिमाणको कर तिर्न बाँकी भएका व्यक्तिको परिचय पत्र, बैंक खाता नम्बर तथा पासपोर्टको विस्तृत विवरणलाई कर प्राधिकरणले आफ्नो कालोसूचीको डेटाबेसमा राखिदिने छ ।

उक्त डेटाबेसलाई पुलिस, बैंक, इमिग्रेसन, पासपोर्ट, एयरपोर्ट र सामुद्रिक बन्दरगाहा जस्ता विभागसँग साझा गरिने छ । यी सबै विभागले कर तिर्न बाँकी भएका मानिसहरुमाथि निगरानी राख्ने छन् । त्यस्ता व्यक्तिलाई देश छोड्ने अनुमती पनि दिइने छैन ।

नयाँ कानुनका अनुसार यदि कोही विदेशी नागरिकले आफ्नो कारोबार वा नोकरीको सिलसिलामा चीनमा १८३ दिनभन्दा बढी बस्छ भने उसको पुरै कमाई करको दायरामा हुनेछ ।

यद्यपि यो प्रावधानप्रति अमेरिका र हङकङले भने बिरोध जनाएका छन् । यसका अतिरिक्त विदेशमा काम गरिरहेका चिनियाँ नागरिकले पनि अब चीनमा आय कर तिर्नुपर्ने भएको छ ।

चीनको जनसंख्या १३८ करोड रहेको छ । तीमध्ये मध्ये २.८ करोड मानिसले मात्रै कर तिर्दै आएका छन् । अब कर विभागले सरकारी आय बढाउनका लागि करको दर बढाउनुको सट्टा कर संकलन बढाउनेमा बढी जोड दिइरहेको बताइएको छ । एजेन्सी




पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।