बैंकको शेयर निष्काशक तथा बिक्री प्रबन्धक सिभिल क्यापिटलले दिएको प्रारम्भिक तथ्याङ्क अनुसार सर्वसाधारणतर्फको लिलामी शेयरको कटअफ मूल्य १६५ रुपैयाँ र संस्थापक तर्फको १०५ रुपैयाँ कायम भएको छ ।
बैंकको सर्वसाधारण शेयरमा प्रतिकित्ता न्यूनतम १६५ रुपैयाँ वा सोभन्दा बढी मूलयमा बोलकबोल गर्ने बोलपत्रदाताले लिलामी शेयर सकारेका छन् ।
बैंकको साधारण लिलामीमा ल्याएको साधारण शेयरमा एक हजार ६७३ जनाले बोलपत्र पेश गरेका थिए । सो शेयरमा अधिकतम २०० रुपैयाँसम्म तोकेर बोलपत्र पेश भएको बिक्री प्रबन्धक सिभिल क्यापिटलले जनाएको छ ।
यस्तै संस्थापक तर्फको शेयरमा ५६ जनाले आवेदन दिएका थिए । संस्थापक तर्फ १०५ रुपैयाँ कटअफ निर्धारण भएको छ ।
बैंकले पुस १८ गतेदेखि २५ गतेसम्म संस्थापक समूहको १४ लाख ६१ हजार ९९ कित्ता र सर्वसाधारण समूहको ४ लाख ९ हजार १७५ कित्ता शेयर लिलामीमा ल्याएको थियो ।
चुक्ता पूँजी ८ अर्ब ६ करोड रुपैयाँ रहेको बैंकले चालु आर्थिक वर्षको पहिलो त्रैमासमा २० करोड रुपैयाँ खुद नाफा कमाएर प्रतिशेयर आम्दानी १३ रुपैयाँ ५९ पैसा कायम गरेको छ ।