लघुवित्तको पुस मसान्तसम्मको अपरिस्कृत वित्तीय विवरण अनुसार २ करोड ३६ लाख खुद मुनाफा आर्जन भएको छ ।
यो गत वर्षको तुलनामा ३९.६० प्रतिशत अर्थात ६७ लाख २० हजार रुपैयाँले बढी हो । गत वर्षको यसै अवधिमा लघुवित्तले एक करोड ६९ लाख खुद नाफा आर्जन गरेको थियो ।
१२ करोड २४ लाख रुपैयाँको चुक्ता पूँजी १२० प्रतिशतले बढाएर २६ करोड ९५ लाख पुगेको छ र।। उच्च पूँजीवृद्धिको चापले लघुवित्तको प्रतिशेयर आम्दानीमा १० रुपैयाँ १३ पैसाको गिरावट देखिएको छ । गत वर्ष पुस मसान्तमा २७ रुपैयाँ ७१ पैसा प्रतिशेयर आम्दानी रहेको लघुवित्तको चालु आर्थिक वर्षको यसै अवधिमा १७ रुपैयाँ ५८ पैसा झरेको छ ।
यस अवधिमा लघुवित्तले ४ करोड ६८ लाखको जगेडा कोषमा ४५.५० प्रतिशतले सुधार गर्दै ६ करोड ८१ लाख रुपैयाँ सञ्चित गरेको छ । पुस मसान्तसम्ममा ९८ करोड ७९ लाख निक्षेप संकलन र एक अर्ब ३६ करोड २९ लाख सापटीबाट लघुवित्तले २ अर्ब ४६ करोड १४ लाख रुपैयाँ बराबको कर्जा परिचालन गरेको छ ।
यस अवधिमा लघुवित्तले ८ करोड ४९ लाख खुद ब्याज आम्दानी गरेको छ । यो गत वर्षको तुलनामा ४७.४२ प्रतिशतले बढी हो । गत वर्षको यसै अवधिमा लघुवित्तले ५ करोड ७६ लाख खुद ब्याज आम्दानी गरेको थियो ।
लघुवित्तको खराब कर्जा अनुपात ०.२३ बाट ०.८१ प्रतिशत पुगेको छ भने प्रतिशेयर नेटवर्थ १२५ रुपैयाँ २९ पैसा र मूल्य आम्दानी अनुपात ३०.७२ गुणा बढी छ ।
