नेप्सेले आशा लघुवित्तको पहिलो शेयर कारोबारका लागि प्रतिशेयर न्यूनतम १०० रुपैयाँ ५ पैसा देखि अधिकतम ३०० रुपैयाँ १५ पैसा ओपनिङ्ग रेञ्ज तोकेको छ।
सोमबार सोही ओपनिङ्ग रेञ्जभित्र रहेर कारोबार हुनेछ । मंगलबारदेखि भने प्रतिदिन १० प्रतिशतसम्म शेयरमूल्य घट्न वा बढ्न सक्नेछ ।
आशा लघुवित्तले फागुन २६ गते आइतबार आईपिओ जारी पश्चात कायम चुक्ता पूँजी बराबरको २० लाख ७४ हजार कित्ता शेयर नेप्सेमा सूचीकृत गराइसकेको छ।
आशा लघुवित्तले ६ लाख ७४ हजार कित्ता शेयर आईपिओ सहित कूल २० लाख ७४ हजार कित्ता शेयर सूचीकृत गरेको हो । लघुवित्तले माघ १८ देखि २२ गतेसम्म ६ लाख ७४ हजार कित्ता आईपिओ निष्काशन गरेको थियो ।
यसमध्ये १० हजार ३७० कित्ता लघुवित्तका कर्मचारी र ३३ हजार ७०० कित्ता सामूहिक लगानी कोषलाई छुट्याएर बाँकी ६ लाख २९ हजार ९३० कित्ता शेयर माघ २५ गते सर्वसाधारणलाई बाँडफाँड गरिएको थियो
लघुवित्तको खुद मुनाफा चालु आर्थिक वर्षमा २ करोड ७५ लाख ६० हजार रुपैयाँ आर्जन हुने र वार्षिक प्रतिशेयर आम्दानी १३ रुपैयाँ २९ पैसा तथा प्रतिशेयर नेटवर्थ चालु आवमा १०५ रुपैयाँ २३ पैसा पुग्ने कम्पनीको प्रक्षेपण रहेको छ ।
