चालु आर्थिक वर्षको तेस्रो त्रैमाससम्ममा लघुवित्तले २४ करोड ४४ लाख रुपैयाँ कमाएको छ। यो गत वर्षको यसै अवधिको तुलनामा ३५.३० प्रतिशत अर्थात ६ करोड ३७ लाख रुपैयाँले धेरै हो । यस अवधिमा कम्पनीले दश प्रतिशत बोनस बाँडेर चुक्ता पूँजी ७९ करोड ९३ लाख ९८ हजार रुपैयाँ पुर्याएको छ ।
गत वर्षको यसै अवधिमा लघुवित्तले १८ करोड ६ लाख रुपैयाँ खुद नाफा कमाएको थियो । लघुवित्तले आम्दानी र खर्चका सूचकहरुलाई सन्तुलनमा राख्दै नाफा बढाएको देखिन्छ ।
लघुवित्त कम्पनीहरुलाई थोक कर्जा प्रवाह गर्ने यस लघुवित्तले ६ अर्ब ४२ करोड १२ लाख रुपैयाँ ऋण लिएर ७ अर्ब ८१ करोड ४२ लाख रुपैयाँ कर्जा परिचालन गरेको छ ।
समीक्षा अवधिमा लघुवित्तले ३४ करोड ८९ लाख रुपैयाँ ब्याज आम्दानी गरेको छ । यो गत वर्षको यसै अवधिको तुलनामा २०.२२ प्रतिशत अर्थात ५ करोड ८७ लाख रुपैयाँले धेरै हो ।
लघुवित्तहरुमा मात्र कर्जा प्रवाह गर्ने भएकाले यस कम्पनीमा खराब कर्जा अनुपात शून्य प्रतिशत रहेको छ ।
लघुवित्तको प्रतिशेयर आम्दानी गत आवको यसै अवधिमा ३३ रुर्पैयाँ १५ पैसा रहेकोमा ७ रुपैयाँ ६२ पैसा बढेर ४० रुपैयाँ ७७ पैसा कायम भएको छ। लघुवित्त कम्पनीको प्रतिशेयर नेटवर्थ २९१ रुपैयाँ २३ पैसा छ । लघुवित्तको मूल्य आम्दानी अनुपात १३.४१ गुणा बढी छ ।
