गत आवको चैत मसान्तसम्म कम्पनीले एक अर्ब ४५ करोड रुपैयाँ मात्र खुद बीमा शुल्क आर्जन गरेको थियो ।
चालु आर्थिक वर्षको तेस्रो त्रैमाससम्ममा प्राइम लाइफले करिब २ करोड बढी १६ करोड ३६ लाख खुद नाफा कमाएको छ । गत वर्ष यसै अवधिमा कम्पनीले कम्पनीले १४ करोड ५५ लाख रुपैयाँ खुद नाफा कमाएको थियो ।
कम्पनीले लगानी कर्जा तथा अन्य आयबाट ५५ करोड र बीमालेख धितोमा कर्जाबाट ४ करोड ९५ लाख रुपैयाँ आम्दानी गरेको छ। कम्पनीले बीमालेख धितोमा ७९ करोड कर्जा लगानी गरेको छ ।
चुक्ता पूँजी एक अर्ब ७८ करोड ४८ लाख रुपैयाँ रहेको कम्पनीको जगेडा कोष एक अर्ब ११ करोड माथि पुगेको छ । यस्तै जीवन बीमा कोषमा ८ अर्ब १४ करोड र महाबिपत्ती कोषमा १० करोड ८६ लाख रुपैयाँ सञ्चित छ । कम्पनीको प्रतिशेयर आम्दानी १२ रुपैयाँ २३ पैसा, प्रतिशेयर नेटवर्थ १६८ रुपैयाँ ३३ पैसा र मूल्यआम्दानी अनुपात ३७.६२ गुणा छ ।
हालसम्म कम्पनीले १४ अर्ब १३ करोड कूल बीमा शुल्क आर्जन गरेको छ । कम्पनीले १ हजार ६५१ दाबी बापत कूल ३४ करोड ८६ लाख रुपैयाँको दाबी भुक्तानी गरेको छ भने ४० दाबी बापत १ करोड ४८ लाख रुपैयाँ भुक्तानी हुन बाँकी छ । कम्पनीले हालसम्म १६ लाख ७३ हजार भन्दा बढी बीमालेख जारी गरेको छ ।
