गत वर्षको तेस्रो त्रैमासमा बैंकले दुई करोड ४८ लाख रुपैयाँ खुद नाफा आर्जन गरेको थियो । ब्याज आम्दानीमा वृद्धि भएता पनि कर्मचारी खर्च र अन्य सञ्चालन खर्च धेरै हुदा बैंकको नाफा घटेको हो ।
चुक्ता पूँजी ५२ करोड ३७ लाख रुपैयाँ रहेको बैंकको जगेडा कोषमा ४ करोड ६ लाख रुपैयाँ सञ्चित छ । चैत्र मसान्तसम्ममा एक अर्ब ६१ करोड १५ लाख रुपैयाँ निक्षेप संकलन गरेको बैंकले एक अर्ब ६५ करोड २७ लाख रुपैयाँ कर्जा परिचालन गरेको छ ।
समीक्षा अवधिमा बैंकले ९ करोड एक लाख रुपैयाँ खुद ब्याज आम्दानी गरेको छ । यो गतवर्षको यसै अवधिको तुलनामा बैंकको खुद ब्याज आम्दानी एक करोड ९२ लाख रुपैयाँले बढी हो । गत वर्ष बैंकले ७ करोड ८ लाख रुपैयाँ खुद ब्याज आम्दानी गरेको थियो ।
बैंकमा निष्कृय कर्जा अनुपात १.६८ प्रतिशत छ । बैंकको प्रतिशेयर आम्दानी ५ रुपैयाँ ७६ पैसा छ भने प्रतिशेयर नेटवर्थ १०७ रुपैयाँ ७५ पैसा छ । मूल्य आम्दानी अनुपात २१.१८ गुणा बढी छ ।
