गतबर्ष लघुवित्तले १४ करोड ३७ लाख नाफा कमाएको थियो ।
६५ करोड ५० लाख रुपैयाँ चुक्ता पूँजी भएको लघुवित्तले जगेडा कोषमा ५६ करोड रुपैयाँ सञ्चित गरेको छ । जुन गतबर्षको यसैअवधिको तुलनामा ९७ प्रतिशत बढी हो । लघुवित्तले यही वैशाख २७ गतेबाट ५० प्रतिशत हकप्रद शेयर बिक्री गर्दैछ ।
यस अवधिमा लघुवित्तले ३ अर्ब ९ करोड रुपैयाँ निक्षेप संकलन गरेको छ भने ४ अर्ब ७६ करोड सापटी लिएर कूल ९ अर्ब ६८ करोड कर्जा लगानी गरेको छ ।
लघुवित्तको निष्कृय कर्जा अनुपात भने उच्च रहेको छ । लघुवित्तको खराब कर्जा अनुपात ४.७६ प्रतिशत छ । यस्तै प्रतिशेयर आम्दानी ३३ रुपैयाँ ४७ पैसा, प्रतिशेयर नेटवर्थ १८५ रुपैयाँ ५४ पैसा र मूल्य आम्दानीको अनुपात १३.३२ गुणा बढी छ ।
लघुवित्तले बैशाख २७ गतेदेखि चुक्ता पूँजीको पचास प्रतिशत हकप्रद बिक्री गर्ने भएको छ । कम्पनीले दुई बराबर एक अनुपातमा ३२ लाख ७५ हजार कित्ता हकप्रद शेयर निष्काशन गर्न लागेको हो।
कम्पनीले हकप्रद प्रयोजनका लागि चैत २९ गते बुकक्लोज गरिसकेको छ । जसअनुसार चैत २८ गतेसम्म कायम शेयरधनीले मात्र उक्त हकप्रदमा आवेदन दिन पाउनेछन् ।
हाल ६५ करोड ५० लाख रुपैयाँ चुक्ता पूँजी रहेको ग्रामीणको ३२ करोड ७५ लाख रुपैयाँ हकप्रद बिक्री पश्चात ९८ करोड २५ लाख रुपैयाँ चुक्ता पूँजी पुग्नेछ ।