बुटवल पावरको नाफामा सुधार आएपनि खस्कियो प्रतिशेयर आम्दानी

May 12, 2019 Merolagani



बुटवल पावर कम्पनी (BPCL) ले चालु आर्थिक वर्षको तेस्रो त्रैमासमा ७५ करोड ८ लाख रुपैयाँ नाफा कमाएको वित्तीय विवरण सार्वजनिक गरेको छ। यो गत वर्षको यसै अवधिको तुलनामा १३.९० प्रतिशतले धेरै हो। गत वर्ष कम्पनीले ६५ करोड ९२ लाख रुपैयाँ नाफा कमाएको थियो।

वित्तीय आम्दानी ८७६.१७ प्रतिशतले बढेसँगै कम्पनीको नाफामा सुधार देखिएको हो । गत वर्षको यसै अवधिमा एक करोड २८ लाख वित्तीय आम्दानी गरेको कम्पनीले चालु आर्थिक वर्षको तेस्रो त्रैमासमा १२ करोड ५९ लाख रुपैयाँ वित्तीय आम्दानी गरेको छ ।

कम्पनीको प्रतिशेयर आम्दानीमा भने गत वर्षको यसै अवधिको तु्लनामा ५ रुपैयाँ ६४ पैसाले गिरावट देखिएको छ । गत वर्ष ३६ रुपैयाँ ४१ पैसा प्रतिशेयर आम्दानी गरेको कम्पनीले चालु आर्थिक वर्षको तेस्रो त्रैमासमा ३० रुपैयाँ ७७ पैसा प्रतिशेयर आम्दानी गरेको छ ।

यस अवधिमा कम्पनीले विद्युत विक्री मार्फत् ५२ करोड ९७ लाख रुपैयाँ आम्दानी गरेको छ । यो गत वर्षको यसै अवधिको तुलनामा १९ लाख ३४ हजार रुपैयाँले बढी हो । गत वर्ष कम्पनीले विद्युत विक्री मार्फत् ५२ करोड ७८ लाख रुपैयाँ आम्दानी गरेको थियो ।

कम्पनीको चुक्ता पूँजी २ अर्ब ४४ करोड रहेको छ । प्रतिशेयर नेटवर्थ २७८ रुपैयाँ ७१ पैसा रहेको कम्पनीको मूल्य आम्दानी ११.७ गुणा बढी छ ।




हाइड्रोपावर समूहबाट निस्कँदै लगानीकर्ता, कुन सेक्टरमा बढाउँदैछन् लगानी ? तथ्यांक यस्तो छ

Jul 05, 2025 05:39 PM

गत हप्ता नेप्से परिसूचकले सेन्चुरी मारेर २७ सय माथि टिक्न सफल भएको छ । नेप्सेले सेन्चुरी मार्दै गर्दा लगानीकर्ता भने हाइड्रोपावरबाट सिफ्ट भएर अन्य क्षेत्रतिर गएको देखिएको छ । हाइड्रोपावरबाट लगानीकर्ता विस्तारै विकास बैंक, फाइनान्स र इन्स्योरेन्स समूहमा सरेको तथ्यांकले देखाएको छ ।