चुक्ता पूँजी ३५ प्रतिशतले बढाएर ३ करोड ९० लाख पुर्याएको लघुवित्तले जगेडा कोषमा ४६.४४ प्रतिशतले सुधार गर्दै ५ करोड ९० लाख रुपैयाँ सञ्चित गरेको छ ।
यस अवधिमा लघुवित्तले निक्षेप संकलन ७२.८९ प्र्रतिशतले बढाएर ३६ करोड ३५ लाख पुर्याएको छ भने कर्जा विस्तार ५५.२९ प्रतिशतले बढाएर एक अर्ब ३० करोड रुपैयाँ बराबरको रकम परिचालन गरेको छ । यसका लागि लघुवित्तले ८९ करोड ४४ लाख रुपैयाँ सापटी लिएको छ ।
चैत मसान्तसम्म लघुवित्तले १४ करोड २६ लाख ब्याज आम्दानी र ७ करोड ९७ लाख ब्याज खर्च गरी ६ करोड २९ लाख रुपैयाँ खुद ब्याज आम्दानी गरेको छ । यो गत वर्षको यसै अवधिको तुलनामा ५५.७८ प्रतिशतले धेरै हो । गत वर्ष लघुवित्तले ४ करोड ३ लाख रुपैयाँ ब्याज आम्दानी गरेको थियो ।
यस अवधिमा लघुवित्तको निष्क्रिय कर्जा अनुपात १.३५ बाट बढेर २.७० प्रतिशत पुगेको छ । प्रतिशेयर आम्दानी ६५ रुपैयाँ २२ पैसा रहेको लघुवित्तको प्रतिशेयर नेटवर्थ २५८ रुपैयाँ १६ पैसा र मूल्य आम्दानी अनुपात ४५.०८ गुणा बढी छ ।
