राधी विद्युतको १० प्रतिशत लाभांश पारित, चुक्ता पुँजी ४७ करोड पुग्यो

Jul 14, 2019 06:04 PM Merolagani

राधी विद्युत कम्पनीकोे १० प्रतिशत लाभांश पारित भएको छ । कम्पनीको असार २९ गते सम्पन्न १३ औं बार्षिक साधारणसभाले ५ प्रतिशत बोनस शेयर र ५ प्रतिशत नगद लाभांश गरी कुल १० प्रतिशत लाभांश पारित गरेको हो।

लाभांश वितरण तथा साधारण सभा प्रयोजनको लागि कम्पनीले असार ९ गते शेयरधनी दर्ता किताब बन्द गरेकाले असार ८ गते आइतबारसम्म कायम भएका शेयरधनीले मात्र उक्त लाभांश पाउनेछन्।

हाल ४५ करोड १० लाख रूपैयाँ चुक्ता पुँजी रहेको कम्पनीको बोनश वितरणपछि चुक्ता पुँजी ४७ करोड ३५ लाख रूपैयाँ हाराहारी पुग्नेछ ।

कम्पनीले चालु आर्थिक वर्षको तेस्रो त्रैमासमा ४ करोड ७२ लाख रूपैयाँ नाफा आर्जन गरेर प्रतिशेयर आम्दानी १३ रूपैयाँ ९६ पैसा र प्रतिशेयर नेटवर्थ २१३ रूपैयाँ ७१ पैसा कायम गरेको थियो ।

 

कम्पनीले घोर्मु गाविस ३ लमजुङमा राधी खोलाको पानी उपयोग गरी ४.४ मेगावाट क्षमताको राधी साना जलविद्युत आयोजना निमार्ण गरेको छ । साथै कम्पनीेले दोलखामा निमार्ण हुन लागेको ११ मेगावाटको तल्लो खारे खोला जलविद्युत आयोजनामा समेत लगानी गरेको छ ।


comments powered by Disqus

वाणिज्य बैंकहरुलाई दोस्रो त्रैमासमा पनि नाफा बढाउन सकस हुने

Nov 19, 2019 07:12 PM

हाल सञ्चालनमा रहेको २८ वाणिज्य बैंकहरुले चालु आर्थिक वर्षको वित्तीय विवरण प्रकाशित गरिसकेका छन्। बैंकहरुको अपरिष्कृत वित्तीय विवरण अनुसार औसत खुद नाफा वृद्धिदर ६.२५ प्रतिशत मात्र रहेको छ। तीन महिनामा २८ बैंकले १६ अर्ब १७ करोड खुद नाफा कमाएका छन्।