युनाइटेड इन्स्योरेन्सको शेयरमूल्य समायोजन

Jul 30, 2019 11:10 AM Merolagani

युनाइटेड इन्स्योरेन्स (UIC) को साउन १४ गते मंगलबार नेपाल स्टक एक्सचेञ्मा शेयरमुल्य समायोजन भएको छ। इन्स्योरेन्सले जारी गर्न लागेको १० बराबर २४ कित्ता अनुपातको हकप्रद शेयरको बुकक्लोज पश्चात शेयरमूल्य समायोजन भएको हो।

स्टकले इन्स्योरेन्सको २४० प्रतिशत हकप्रदको लागि मूल्य समायोजन गरी प्रतिकित्ता २९९ रुपैयाँ १२ पैसा कायम गरेको हो। मंगलबार समायोजित मूल्यलाई आधार मानेर इन्स्योरेन्सको शेयर कारोबार खुलेको छ ।

कम्पनीले एक सय रूपैयाँ अंकित दरमा १० बराबर २४ कित्ताको अनुपातमा ७२ करोड ५७ लाख ६० हजार रूपैयाँ बराबरको ७२ लाख ५७ हजार ६०० कित्ता हकप्रद जारी गर्न लागेको हो। कम्पनीले निष्काशन गर्न लागेको हकप्रदमा साउन १३ गते सोमबारसम्म शेयर खरिद गरी कायम रहने कम्पनीका शेयरधनीहरुले मात्रै कम्पनीको आवेदन गर्न पाउनेछन्।

हाल ३० करोड २४ लाख रुपैयाँ चुक्ता पूँजी रहेको यस इन्स्योरेन्सको हकप्रद पश्चात एक अर्ब दुई करोड ८१ लाख ६० हजार रुपैयाँ पुग्नेछ।


comments powered by Disqus

सरकारी उदासीनताले पूँजी बजार धरासयी भएको लगानीकर्ता संगठनहरुको ठहर, समस्या समाधान गर्न प्रधानमन्त्रीलाई गुहार

Sep 17, 2019 06:48 PM

पूँजी बजारको नियामक निकायहरुको उदासीनताले  पूँजी बजार धरासयी भएको भन्दै शेयर लगानीकर्ताहरुको संगठनहरुले प्रधानमन्त्रीलाई समस्या सम्बोधन गर्न आग्रह गरेका छन्।