विद्युत बिक्रीको आम्दानी बढेसँगै अपि पावरको खुद नाफा ३४% बढ्यो

Aug 18, 2019 04:38 PM Merolagani

अपि पावर कम्पनी (API) ले गत आर्थिक वर्षको चौंथो त्रैमाससम्ममा ७ करोड ७३ लाख रुपैयाँ खुद नाफा आर्जन गरेको छ। यो अघिल्लो वर्षको सोही अवधिको तुलनामा एक करोड ९५ लाख अर्थात् ३३.९३ प्रतिशतले धेरै हो। 

अघिल्लो आवमा कम्पनीले ५ करोड ७७ लाख रुपैयाँ खुद नाफा आर्जन गरेको थियो।  विद्युत बिक्री मार्फतको आम्दानी बढेसँगै गत आर्थिक वर्षमा कम्पनीको खुद नाफामा बढोत्तरी देखिएको हो। 

कम्पनीले विद्युत बेचेर १७ करोड ८७ लाख रुपैयाँ आम्दानी गरेको छ। यो अघिल्लो वर्षको सोही अवधिको तुलनामा ५ करोड ९ लाख रुपैयाँ अर्थात् ३९.८३ प्रतिशतले धेरै हो। अघिल्लो आवमा कम्पनीले विद्युत बेचेर १२ करोड ७८ लाख रुपेयाँ आम्दानी गरेको थियो। 

चुक्ता पूँजी एक अर्ब १९ करोड ७ लाख रुपैयाँ रहेको कम्पनीले जगेडा कोषमा ३१.६३ प्रतिशतले सुधार गर्दै ८ करोड ६ लाख रुपैयाँ सञ्चित गरेको छ। 

कम्पनीले १ रुपैयाँ ४० पैसाले बढाएर ६ रुपैयाँ ४९ पैसा प्रतिशेयर आम्दानी गरेको छ । कम्पनीको प्रतिशेयर नेटवर्थ १०६ रुपैयाँ ७७ पैसा र मूल्य आम्दानी अनुपात २२.०२ गुणा छ। 


comments powered by Disqus

लकडाउनको असरः दर्जनबढी कम्पनीको साधारणसभा रोकियो, हकप्रद र आइपीओ जारी गर्नै पाएनन्

May 31, 2020 07:12 PM

रविन पाैडेल

कोरोना भाइरसको असर न्यूनिकरणको लागि सरकारले गत चैत ११ गतेदेखि देश नै लकडाउन गरेको छ। लकडाउनको कारण अहिले आर्थिक गतिविधिहरु ठप्प भएका छन् भने पूँजी बजारमा पनि यसले ठूलो प्रभाव पारेको छ।