विद्युत बिक्रीबाट हुने आम्दानी बढ्दा कम्पनीको खुद नाफा बढ्न सहयोग पुगेको हो। यस अवधिमा कम्पनीले विद्युत बिक्रीबाट ४ करोड ६८ लाख रुपैयाँ आम्दानी गरेको छ भने अन्य श्रोतबाट ६१ हजार रुपैयाँ आम्दानी गरेको छ।
गत आर्थिक वर्षको पहिलो त्रैमाससम्ममा विद्युत बिक्रीबाट ४ करोड ३६ लाख रुपैयाँ आर्जन गरेको कम्पनीले यस अवधिमा विद्युत बिक्रीबाट हुने आम्दानी ७.३४ प्रतिशतले बढाएको हो।
चुक्ता पूँजी ४७ करोड ३५ लाख रुपैयाँ रहेको कम्पनीको प्रतिशेयर आम्दानी २० रुपैयाँ ८६ पैसा, प्रतिशेयर नेटवर्थ २०४ रुपैयाँ ६० पैसा र मूल्य आम्दानी अनुपात १४.०९ गुणा छ।
कम्पनीले घोर्मु गाविस ३ लमजुङमा राधी खोलाको पानी उपयोग गरी ४.४ मेगावाट क्षमताको राधी साना जलविद्युत आयोजना निमार्ण गरेको छ। साथै कम्पनीेले दोलखामा निमार्ण हुन लागेको ११ मेगावाटको तल्लो खारे खोला जलविद्युत आयोजनामा समेत लगानी गरेको छ।