गत आवको पहिलो त्रैमासमा कम्पनीले ३ करोड ३ लाख रुपैयाँ खुद नाफा आर्जन गरेको थियो। विद्युत बिक्री मार्फतको आम्दानी बढेसँगै कम्पनीको नाफामा बढोत्तरी देखिएको हो ।
यस अवधिमा कम्पनीले विद्युत बिक्री मार्फत् ६ करोड ३८ लाख रुपैयाँ आम्दानी गरेको छ । यो गत आवको सोही अवधिको तुलनामा ६.४८ प्रतिशत धेरै हो । गत आवमा कम्पनीले विद्युत बिक्री मार्फत् ५ करोड ९९ लाख रुपैयाँ आम्दानी गरेको थियो ।
चुक्ता पूँजी ५ प्रतिशतले बढाएर एक अर्ब १९ करोड रुपैयाँ पुर्याएको कम्पनीले जगेडा कोषमा २७.५५ प्रतिशतले सुधार गर्दै ११ करोड ६८ लाख रुपैयाँ सञ्चित गरेको छ ।
प्रतिशेयर आम्दानी १२ रुपैयाँ ०८ पैसा रहेको कम्पनीको प्रतिशेयर नेटवर्थ १०९ रुपैयाँ ८२ पैसा छ ।
