विद्युत बिक्रीको आम्दानी बढेपछि छ्याङदी हाइड्रोपावरको नाफामा सुधार

Nov 17, 2019 05:49 PM Merolagani



छ्याङदी हाइड्रोपावर (CHL) ले चालु आर्थिक वर्षको पहिलो त्रैमासमा एक करोड ४ लाख रुपैयाँ खुद नाफा आर्जन गरेको छ। कम्पनीको नाफा गत आवको यसै अवधिको तुलनामा १४ लाख १९ हजार अर्थात् १५.७७ प्रतिशतले बढेको हो।

गत आवमा कम्पनीले ८९ लाख ९६ हजार रुपैयाँ खुद नाफा आर्जन गरेको थियो ।

विद्युत बिक्री मार्फतको आम्दानी बढ्नुका साथै समग्र खर्च व्यवस्थापन गर्दा कम्पनीको नाफामा सुधार देखिएको हो । यसैगरी कम्पनीले सञ्चालन नाफामा ११.२९ प्रतिशतले सुधार गरेको छ।

यस अवधिमा कम्पनीले विद्युत बिक्री मार्फत २ करोड १८ लाख रुपैयाँ आम्दानी गरेको छ।

यो गत वर्षको सोही अवधिको तुलनामा ७.२५ प्रतिशतले बढी हो। गत आवमा कम्पनीले विद्युत बिक्री मार्फत् २ करोड ३ लाख रुपैयाँ आम्दानी गरेको थियो। 

चुक्ता पूँजी २७ करोड रुपैयाँमा स्थिर रहेको कम्पनीले जगेडा कोषमा ५६.९२ प्रतिशतले सुधार गर्दै २ करोड ५० लाख रुपैयाँ सञ्चित गरेको छ।

प्रतिशेयर आम्दानी ३ रुपैयाँ ८६ पैसा रहेको कम्पनीको प्रतिशेयर नेटवर्थ १०९ रुपैयाँ २९ पैसा र मूल्य आम्दानी अनुपात २०.७४ गुणा छ।




भारत जाने विमानमा फेरि सर्प

Jun 30, 2025 12:48 PM

मुम्बईका भारतीय भन्सार अधिकारीहरूले थाइल्यान्डबाट आएका एक विमान यात्रुलाई जीवित सर्पहरूसहित साथ रोकेको बताएका छन् । यो महिनाको तेस्रो यस्तो जफत हो ।