एनआईसी एशिया लघुवित्तको आईपीओ निष्कासन गर्ने प्रस्ताव पारित

Dec 10, 2019 01:14 PM Merolagani

एनआईसी एशिया लघुवित्त वित्तीय संस्थाले आईपीओ निष्कासन गर्ने प्रस्ताव पारित गरेको छ। लघुवित्तको मंसिर २३ गते, सोमबार सम्पन्न दोस्रो वार्षिक साधारण सभाले सो प्रस्ताव पारित गरेको हो।

नियामक निकायहरुको स्वीकृतीपश्चात आईपीओ निष्कासन गरिने लघुवित्तले जनाएको छ। सो सभाले सञ्चालक समितिको अध्यक्षमा कपिल ढकाललाई चयन गरेको छ। हाल बैंकका सहायक प्रमुख कार्यकारी अधिकृतको जिम्मेवारी पनि सम्हाल्दै आएका ढकालले मंगलबार पद तथा गोपनियताको शपथ ग्रहण गरेका थिए।

एनआईसी एशिया बैंकको सहायक कम्पनीको रुपमा रहेको यस लघुवित्तले ६० शाखा कार्यालयबाट १९ जिल्लाहरुमा सेवा प्रदान गरिरहेको छ।