समता लघुवित्तको हकप्रद बाँडफाँड, १ लाख ६२ हजार कित्ता बिक्री भएन

Dec 18, 2019 08:18 AM Merolagani

समता लघुवित्त वित्तीय संस्था लिमिटेड (SMATA) ले मंसिर ३० गते हकप्रद शेयर बाँडफाँट गरेको छ। लघुवित्तले भदौ ३१ गतेसम्म कायम साविक शेयरधनीहरुका लागि १ः२ अनुपातमा निष्कासन गरेको हकप्रद शेयर बाँडफाँट गरेको हो।

लघुवित्तले गत असोज २७ गतेदेखि मंसिर १ गतेसम्म प्रतिकित्ता १०० अंकित मूल्यका १२ लाख १३ हजार ४४० कित्ता हकप्रद शेयर निष्कासन गरेको थियो। सोमध्ये लघुवित्तले १० लाख ५१ हजार ३८० कित्ता शेयर बाँडफाँट गरेको हो। निष्कासन अवधिभर रितपूर्वक आवेदन दिएका कूल ५ हजार ४३३ जना शेयरधनीहरुलाई सो शेयर बाँडफाँट गरेको हो। बाँडफाँट नभएको १ लाख ६२ हजार ६० कित्ता शेयर लिलाम बढाबढ गरी बिक्री गर्नेछ।

बाँडफाँटमा नपरेको हकप्रद शेयरबापतको रकम पुस ३ गते बिहीबारदेखि फिर्ता भुक्तानी गर्ने व्यवस्था गरिएको छ। लघुवित्तको धितोपत्र निष्कासन तथा बिक्री प्रबन्धक एनआईबिएल एस क्यापिटल लिमिटेड रहेको छ।

हाल ६ करोड ६ लाख रुपैयाँ चुक्ता पूँजी रहेको लघुवित्तको हकप्रद निष्काशन पश्चात १८ करोड २० लाख १६ हजार रुपैयाँ पुग्नेछ।


comments powered by Disqus

दावी भुक्तानीका लागि सक्कली प्रमाणपत्र नआएकाले समस्या परेको हो : पाण्डे

Sep 18, 2020 07:46 PM

कोरोना भाइरसको संक्रमण भने बढ्दै गएका छन् । मुलुकभर दैनिक करिव २ हजार हाराहारीमा कोरोना भाइरस संक्रमित देखिन थालेका छन् । कोरोना भाइरस संक्रमण बढ्दै गएकाले आम नागरिक डराइ रहेका छन् । सरकार पनि लकडाउन र निषेधाज्ञाले कोरोना भाइरसको संक्रमण नियन्त्रण गर्न नसकिने रहेछ भन्ने स्थितिमा पुगेको छ ।