नेप्सेमा उतारचढाव, १ घण्टामा २४ अंक बढ्यो

Jan 13, 2020 12:12 PM Merolagani

साताको दोस्रो कारोबार दिन नेप्से परिसूचकमा उतारचढाव देखिएको छ। बजार खुलेदेखि उकालो लागेको नेप्से एक हजार २८४.७९ विन्दुमा पुगेको थियो।

नेप्से उच्च अंक बढ्दा बिक्रीकर्ताहरु हाबी भएपछि सो विन्दुबाट नेप्से ओरालो लागेको थियो। तर, बजारमा खरिदकर्ताहरुको चाप बढेसँगै नेप्से पुनः उकालो लागेको छ।

कारोबारको १ घण्टा अवधिमा नेप्से १.९३ प्रतिशत अर्थात २४.२४ अंक बढेर एक हजार २७९.९५ विन्दुमा पुगेको छ। सो अवधिसम्ममा १६२ कम्पनीको ५ हजार ३९६ पटकको कारोबारमा ४९ करोड ८९ लाख २७ हजार रुपैयाँ बराबरको शेयर खरिदबिक्री भएको छ।

बजारमा तरलता सहज हुँदै जाँदा बैंक तथा वित्तीय संस्थाहरुको ब्याजदरमा कमी आउन थालेसँगै बजारमा उत्साह छाएको हो। 

१२ बजेसम्ममा घोडीघोडा लघुवित्त र कर्णाली डेभलपमेन्ट बैंकको शेयरमूल्यमा सकारात्मक सर्किट लागेको छ। कारोबारमा आएका सबै उपसमूहका परिसूचकहरु बढेका छन्।


comments powered by Disqus

श्रम क्षेत्रमा कोरोनाको असरः ९ महिनामा विश्वभरको आम्दानी ३५ खर्ब डलर घट्यो

Sep 25, 2020 06:25 PM

कोरोना भाइरस महामारीका कारण यस वर्षको ९ महिनाको अवधिमा विश्वभरका श्रमिकहरुको आम्दानी उच्च रुपले घटेको छ । गत वर्षको जनवरीदेखि सेप्टेम्बरसम्मको अवधिको तुलनामा यस वर्षको सोही अवधिमा विश्वभरका श्रमिकहरुको आम्दानी अनुमानित १०.७ प्रतिशत वा ३५ खर्ब डलरले घटेको छ ।