एकाएक शेयर बजारमा कहाँबाट आयो यति धेरै पैसा, साना लगानीकर्ताले कतिन्जेल धान्लान् बजार ?

Jan 14, 2020 06:00 PM Merolagani

सुवास निरौला

यतिबेला दोस्रो बजारमा उत्साह देखिएको छ । दैनिक कारोबार रकम अर्ब रुपैयाँ नाघ्दै गएको छ । कारोबार रकम बढेसँगै दोस्रो बजारमा औसत कारोबार रकमनै ४३ प्रतिशतले बढेको छ । अघिल्लो साताको तुलनामा औसत कारोबार रकम गत साता ४३ प्रतिशतले बढ्यो । 

अघिल्लो साता औसत कारोबार रकम ४७ करोड रुपैयाँ थियो भने गत साता एका एक औसत कारोबार रकम बढेर ८४ करोड रुपैयाँ पुग्याे । एक सातामै कारोबार रकम उल्लेख्य बढेपनि बजारमा ठूला लगानीकर्ता अझै प्रवेश गरेका छैनन् । नयाँ र सानै लगानीकर्ताले बजार धान्दै आएका छन् । उनीहरुले बैक बित्तीय संस्थाबाट सरल तरिकाले प्राप्त गरेकाे ऋण र बचत रकमलाई परिचालनले नै यतिबेला कारोबार रकम बढाउन टेवा पुर्याएको छ ।  

बजारमा ठूला लगानीकर्ता अझै प्रवेश नगरेको र सानै लगानीकर्ताले यतिबेला बजार धानीरहेको ब्रोकर नं २८ का संचालक नन्दकिशोर मुन्दडा बताउछन् । उनी भन्छन् 'यतिबेला मेरो कार्यलयबाट कारोबार गर्ने ठूला लगानीकर्ता अझै फर्किएका छैनन् ' । बजारमा एक अर्ब रुपैयाँ भन्दा बढीको कारोबार भएको भएपनि ठूलो कित्ताको  कारोबार भने अझै हुन सकेको छैन । एक हजार कित्ताकै सेरोफेरोमा बजारमा कारोबार भइरहेको छ । नयाँ लगानीकर्ता र दोस्रो बजारकै नियमित कारोबारीले थोरै कारोबार बढाउँदा एक अर्ब रुपैयाँ नाघेको हो । 'ठूला लगानीकर्ता छैनन् । केही नयाँ अनुहार बजारमा देखिएका छन् । उनीहरुले कारोबार बढाएका छन् भने नियमित कारोबारीले समेत थोरै कारोबार बढाएका हुन् ' मुन्दडाले भने ।

बैक बित्तीय संस्थामा तरलता बढेकै कारण दोस्रो बजारमा कारोबार रकम बढेको नेपाल इन्भेष्टर फोरमका पूर्ब अध्यक्ष अम्बिकाप्रसाद पौडेलले बताए । 'बैकमा तरलता बढेको छ । लगानीकर्ताले सहज ऋण पाएका छन् । जसले कारोबार रकम बढाउन टेवा पुर्याएको छ ' पौडेलले भने । यतिबेला नियमित कारोबारी र मध्यमबर्गले बचत गरेको रकम बजारमा बिस्तारै आउन थालेको पौडेलको भनाई छ । लगानीकर्ताको 'कन्फिडेन्स' धेरै देखिएकोले पर्याप्त कारोबार रकम बढेको उनको भनाई छ । व्याजदर घटेको र दोस्रो त्रैमासको बित्तीय बिवरण समेत राम्रो आउने प्रक्षेपणले लगानीकर्ताले कारोबार बढाउदा रकम बढ्न थप टेवा पुगेको पौडेलको भनाई छ ।

बजारमा लगानीकर्ताको कन्फिडेन्स बढेकै कारण पर्याप्त कारोबार भएको एक ब्रोकर कम्पनीका संचालक बताए । यतिबेला सानै लगानीकर्ताले बजार बढाई रहेकोले यसको टिकाउमा उनले शंका गरेका छन् । साना लगानीकर्ताले मात्रै बजार धान्न नसक्ने उनको ठम्याई छ । 'साना लगानीकर्ता मात्रै छन् । ठूला प्रबेश गरेका छैनन् । उनीहरु प्रवेश नगरेका कारण खुद्रे कारोबारमै बजार सिमित छ । ठूला लगानीकर्ता प्रवेश नगरेसम्म बजारको बृद्धि टिकाउ हुनै सक्दैन' उनले भने ।

गत सात मात्रै शेयर बजार मापक सूचक करिब चार प्रतिशतले उकालो लाग्यो भने कारोबार रकममा ७६.६३ प्रतिशतले बृद्धि देखियो । गत साता नेपाल स्टक एक्चेन्जमा एक अर्ब ४६ करोड कित्ता शेयर ४२ करोड २५ लाख रुपैयाँमा करोबार भए । यो अघिल्लो साताको सोही अबधिको तुलनामा ७६ प्रतिशतले बढी हो । जबकी अघिल्लो साता दोस्रो बजारमा ७१ लाख कित्ता शेयर दुई अर्ब ३९ करोड रुपैयाँमा कारोबार भएका थियो । शेयर कित्ताको आधारमा गत साता ५१ प्रतिशतको बृद्धि हो

गत साता

%   (बृद्धि)

कारोबार रकम

4225560000

76

शेयर कित्ता

14682400

51.06

     

अघिल्लो साता

 

कारोबार रकम

2392270000

 

शेयर कित्ता

7184640

 

यस साता समेत कारोबार रकम बढ्दो क्रममा देखिएको छ । गएको तीन कारोबार दिनमै कारोबार रकम चार अर्ब रुपैयाँ नाघिसकेको छ । आइतबार,सोमबार मङ्गलवार दोस्रो बजारमा चार अर्व छ करोड रुपैयाँ बराबरको शेयर कारोबार भईसकेको छ । यो गत साता भरीमा भएको कारोबार भन्दा १६ करोड रुपैयाँ मात्रै कम हो ।

 


comments powered by Disqus

लघुवित्त क्षेत्रको हालसम्मकै ठूलो आईपीओ आउने,एनआईसी एशिया लघुवित्त अनुमति माग्न बाेर्ड पुग्याे

Jan 23, 2020 04:51 PM

एनआईसी एशिया लघुवित्त वित्तीय संस्था लिमिटेडले लघुवित्त क्षेत्रको हालसम्मकै ठूलो रकम बराबरको प्राथमिक शेयर (आईपीओ) निष्कासन गर्न नेपाल धितोपत्र बोर्डसँग अनुमति मागेको छ। लघुवित्तले ४७ करोड ५५ लाख रुपैयाँ बराबरको ४७ लाख ५५ हजार कित्ता आईपीओ निष्कासन गर्न अनुमति मागेको हो।