गत वर्षको यहि अवधिमा कम्पनीले ५ अर्ब ७८ करोड २२ लाख रुपैयाँ खुद बीमाशुल्क आर्जन गरेको थियो।
यस अवधिमा इन्स्योरेन्सले लगानी, कर्जा तथा अन्य आयबाट २ अर्ब २० करोड २१ लाख रुपैयाँ, पुर्नबीमा कमिशन वापत ८१ लाख ३१ हजार र बीमालेख धितोमा ११ अर्ब ८७ करोड ९३ लाख रुपैयाँ कर्जा लगानी गरेर ५८ करोड ७ लाख रुपैयाँ आम्दानी गरेको छ।
यस अवधिमा इन्स्योरेन्सको खुद नाफा भने ५० लाख ५७ हजार रुपैयाँले बढेर ७ करोड ६८ लाख रुपैयाँ पुगेको छ। गत वर्षको यही अवधिमा इन्स्योरेन्सले ७ करोड १७ लाख रुपैयाँ खुद नाफा कमाएको थियो। बीमांकिय मुल्यांकनपछि इन्स्योरेन्सको नाफामा फरक पर्न सक्छ।
चुक्ता पूँजी २ अर्ब १ करोड रुपैयाँ रहेको कम्पनीको जगेडा कोषमा ४७ करोड ५३ लाख, जीवन बीमा कोषमा ६१ अर्ब ९ करोड ७१ लाख र महाविपत्ती कोषमा २३ करोड ६२ लाख रुपैयाँ सञ्चित छ।
कुल ७ लाख ५१ हजार ५०३ बीमालेख कायम रहेको इन्स्योरेन्सले ७ अर्ब ६९ करोड ७७ लाख रुपैयाँ कुल बीमाशुल्क आर्जन गरेको छ। यस अवधिमा ८ हजार ५७८ वटा दाबी वापत एक अर्ब ८४ करोड ८५ लाख रुपैयाँ भुक्तानी गरेको छ भने १९ करोड ५६ लाख रुपैयाँ भुक्तानी गर्न बाँकी छ।
इन्स्योरेन्सको प्रतिशेयर आम्दानी वार्षिक ७ रुपैयाँ ४६ पैसा, प्रतिशेयर नेटवर्थ १३५ रुपैयाँ ४१ पैसा र मूल्य आम्दानी अनुपात १५१.७१ गुणा छ।