माघ महिनामा सुनको मूल्यमा केही अस्थिरता देखिएको थियो ।
बिहीबार छापावाला सुन प्रतितोला ७६ हजार रुपैयाँमा र तेजाबी सुन प्रतितोला ७५ हजार ७०० रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
यसैगरी चाँदीको मूल्य पनि फागुनको पहिलो दिन तोलामा ५ रुपैयाँले बढेर प्रतितोला ८८० रुपैयाँ कायम रहेको छ । माघ महिनाको अन्तिम दिन अर्थात् बुधबार चाँदीको मूल्य प्रतितोला ८७५ रुपैयाँ रहेको थियो ।
माघ महिनामा सुनको मूल्य उच्चतम बिन्दुमा पुग्दा प्रतितोला ७६ हजार ५०० रुपैयाँ र न्यूनतममा ७४ हजार ७०० रुपैयाँसम्ममा कारोबार भएको थियो ।
त्यसैगरी चाँदीको उच्चतम मूल्य प्रतितोला ९०० रुपैयाँ पुगेको थियो भने न्युनतममा प्रतितोला ८७० रुपैयाँ रहेको महासंघले जनाएको छ ।
