फागुनको पहिलो दिन सुनचाँदीको मूल्य बढ्यो

Feb 13, 2020 11:56 AM MeroLagani

सुनको मूल्य फागुन १ गते प्रतितोला ३०० रुपैयाँले बढेको छ । माघ महिनाको अन्तिम साताको मंगलबार र बुधबार सुनको मूल्य केहि घटेता पनि बिहिबार फेरि बढेकोे हो । 

माघ महिनामा सुनको मूल्यमा केही अस्थिरता देखिएको थियो । 

बिहीबार छापावाला सुन प्रतितोला ७६ हजार रुपैयाँमा र तेजाबी सुन प्रतितोला ७५ हजार ७०० रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।

यसैगरी चाँदीको मूल्य पनि फागुनको पहिलो दिन तोलामा ५ रुपैयाँले बढेर प्रतितोला ८८० रुपैयाँ कायम रहेको छ । माघ महिनाको अन्तिम दिन अर्थात् बुधबार चाँदीको मूल्य प्रतितोला ८७५ रुपैयाँ रहेको थियो ।

माघ महिनामा सुनको मूल्य उच्चतम बिन्दुमा पुग्दा प्रतितोला ७६ हजार ५०० रुपैयाँ र न्यूनतममा ७४ हजार ७०० रुपैयाँसम्ममा कारोबार भएको थियो ।

त्यसैगरी चाँदीको उच्चतम मूल्य प्रतितोला ९०० रुपैयाँ पुगेको थियो भने न्युनतममा प्रतितोला ८७० रुपैयाँ रहेको महासंघले जनाएको छ ।


comments powered by Disqus

निष्क्रिय कर्जा बढेपछि घट्यो सामुदायिक लघुवित्तको नाफा

Aug 10, 2020 08:35 AM

सामुदायिक लघुवित्त वित्तीय संस्था लिमिटेड (SLBSL) ले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ। विवरण अनुसार अघिल्लो आर्थिक वर्षको तुलनामा गत आर्थिक वर्षमा लघुवित्तको खुद नाफा घटेको छ।