सूर्या लाइफको लिलामीमा रहेको संस्थापक शेयर खरिद गर्ने आज अन्तिम दिन

Feb 25, 2020 07:55 AM Merolagani

एनआईसी एशिया बैंक लिमिटेडको स्वामित्वमा रहेको सूर्या लाइफ इन्स्योरेन्स (SLICL) को संस्थापक समूहको शेयरमा शिलबन्दी बोलपत्र पेश गर्ने आज (फागुन १३ गते) अन्तिम दिन हो।

बैंकले इन्स्योरेन्सको ५५ हजार कित्ता संस्थापक शेयर लिलाम बिक्रीमा ल्याएको हो। सो शेयरको न्यूनतम मूल्य २५० रुपैयाँ तोकिएको छ। लगानीकर्ताहरुले सो वा सोभन्दा बढी मूल्य अंकित गरी बोलपत्र पेश गर्न सक्नेछन्।

शेयर खरिद गर्न इच्छुक लगानीकर्ताले न्यूनतम १०० कित्ताका लागि आवेदन दिनुपर्नेछ। लगानीकर्ताहरुले १० ले भाग जाने गरी अधिकतम सम्पूर्ण कित्ताका लागि आवेदन दिन सक्नेछन्।

लगानीकर्ताले एनआईसी एशिया क्यापिटल, एनआईसी एशिया बैंक, थापाथली, विराटनगर, वीरगंज, पोखरा, बुटवल, धनगढी, सुर्खेत र कमलादी शाखा कार्यालयबाट बोलपत्र पेश गर्न सक्नेछन्।


comments powered by Disqus

प्रभु इन्स्योरेन्सकाे लाभांश शेयरधनीहरूकाे खातामा

Aug 12, 2020 12:57 PM

प्रभु इन्स्योरेन्स (PRIN) ले शेयरधनीहरुलाई लाभांश पठाउन थालेको छ। इन्स्योरेन्सले शेयरधनीलाई वितरण गरेको ५ प्रतिशत बोनस शेयर शेयरधनीको खातामा पठाउन थालेको हो।