बैंकले साधारण सभा तथा लाभांश वितरण प्रयोजनार्थ भोलि (चैत ७ गते) बुकक्लोज गर्नेछ। जसअनुसार आजसम्म नेप्सेमा कारोबार भई कायम शेयरधनीहरुले लाभांश प्राप्त गर्न तथा साधारण सभामा सहभागिता जनाउन सक्नेछन्।
बैंकले गत आर्थिक वर्षको मुनाफाबाट १७.१० प्रतिशतका दरले बोनस शेयर र सो बापतको कर प्रयोजनार्थ ०.९० प्रतिशत नगद लाभांश वितरण गर्ने घोषणा गरेको थियो। सो लाभांश पारित गर्न बैंकले आगामी चैत २० गते साधारण सभा डाकेको छ।
सभाले बोनस शेयर वितरणपश्चात कायम चुक्ता पूँजीको ३० प्रतिशत हकप्रद शेयर निष्काशन गर्ने प्रस्ताव पनि पारित गर्नेछ।