कम्पनीको खुद ब्याज आम्दानी सामान्य बढेपनि सञ्चालन नाफा घटेको छ भने कर्मचारी खर्च बढेको छ जसले गर्दा नाफा घटेको हो।
यस अवधिमा लघुवित्तले १ अर्ब २६ करोड रुपैयाँ खुद ब्याज आम्दानी गरेको छ जुन गत वर्षको तुलनामा २.४५ प्रतिशत धेरै हो। गत वर्षको यस अवधिमा उसले १ अर्ब २३ करोड खुद ब्याज आम्दानी गरेको थियो। लघुवित्तको सञ्चालन नाफा भने गत वर्षको तुलनामा १५.१० प्रतिशत घटेर २ करोड ६० लाख रुपैयाँमा झरेको छ।
१ अर्ब ५० करोड रुपैयाँ चुक्ता पूँजी रहेको लघुवित्तको जगेडा कोष गत वर्षको तुलनामा ९ प्रतिशत घटेर १ अर्ब ६४ करोड रुपैयाँमा झरेको छ।
लघुवित्तको निक्षेप संकलन १३ अर्ब ९० करोड रुपैयाँबाट बढेर १८ अर्ब ७ करोड रुपैयाँ पुगेको छ भने कर्जा प्रवाह १९ अर्ब १५ करोड रुपैयाँबाट बढेर २० अर्ब ३७ अर्ब रुपैयाँ पुगेको छ। खराब कर्जा अनुपात सामान्य बढेर ०.४१ प्रतिशत पुगेको छ।
गत आवको चैत मसान्तसम्ममा सम्भावित जोखिम बापतको व्यवस्थामा ४ करोड ८८ लाख रुपैयाँ छुट्याएको यस लघुवित्तले चालु आवको सोही अवधिमा १५ करोड ४५ लाख रुपैयाँ छुट्याएको छ। जसले गर्दा लघुवित्तको नाफामा केही दबाब पुगेको छ।
लघुवित्तको प्रतिशेयर आम्दानी ५३ रुपैयाँ १५ पैसा प्रतिशेयर नेटवर्थ २०९ रुपैयाँ ५४ पैसा र मूल्य आम्दानी अनुपात १७.९७ गुणा रहेको छ।