सान्जेनको खुद नोक्सानी उच्च रुपमा बढ्यो

Nov 13, 2020 02:04 PM Merolagani

चालु आर्थिक वर्षको पहिलो त्रैमासमा सान्जेन जलविद्युत कम्पनी (SJCL) ले ६८ लाख ७३ हजार रुपैयाँले नोक्सानी ब्यहोरेको छ । गत आर्थिक वर्षको सोही अवधिमा कम्पनी २१ लाख ८२ हजार रुपैयाँले नोक्सानीमा रहेको थियो । 

यस अवधिमा कम्पनीले कुनै स्रोत मार्फत् पनि आम्दानी गरेको छैन । जसका कारण कम्पनीको खुद नोक्सानी बढ्न पुगेको हो ।

चुक्ता पूँजी ३ अर्ब २८ करोड रुपैयाँ रहेको कम्पनीको जगेडा कोष १३ करोड ७१ लाख रुपैयाँले नोक्सानीमा रहेको छ ।

कम्पनीले रसुवा जिल्लामा १४.८ मेगावाट क्षमताको माथिल्लो सान्जेन र ४२.५ मेगावाट क्षमताको सान्जेन जलविद्युत आयोजना निमार्ण गरिरहेको छ । यी दुवै आयोजनाको काम अन्तिम चरणमा पुगेको कम्पनीले जनाएको छ ।

कम्पनीका अनुसार हालसम्म समग्रमा माथिल्लो सान्जेनको ८८ प्रतिशत तथा सान्जेनको ७८ प्रतिशत प्रगति भएको छ । 


comments powered by Disqus

रेकर्ड नै रेकर्ड कायम गरेको साता यी हुन् घटेका उपसमूह

Nov 28, 2020 08:24 AM

यस साता नेपाल स्टक एक्सचेञ्जमा रेकर्ड नै रेकर्ड कायम भएको छ। अल टाइम हाइ अर्थात १८८१.७४ लाई तोडेर नेप्से उकालो लागेपछि नयाँ रेकर्डहरु बनेका हुन्।