सेन्सेक्सले पहिलो पटक ४९ हजारको स्तर पार गरेको छ। उच्च बढोत्तरीका साथ खुलेको सेन्सेक्स ४२५.३५ अंकको बढोत्तरीका साथ ४९ हजार २०७.८८ विन्दुमा कारोबार गरिरहेको छ। यद्यपी सुरुवाती कारोबारमा उक्त इण्डेक्सले ४९ हजार २६० को विन्दु छोएको थियो।
यसैगरी यसदिन निफ्टी इण्डेक्स पनि ९७.४५ अंकको बढोत्तरीका साथ १४ हजार ४४४.७० को विन्दुमा पुगेर कारोबार गरिरहेको छ।
बजारमा उच्च बढोत्तरीसँगै बीएसईमा सूचीकृत कम्पनीहरुको कुल बजार पूँजीकरण १९६.७४ लाख करोड रुपए नाघेको छ।
कोरोना भ्याक्सिनसँग सम्बन्धित सकारात्मक अपडेट, अमेरिकामा नयाँ राहत प्याकेजको अपेक्षा लगायतका कारण भारतीय शेयर बजार उच्च रुपमा बढ्न पुगेको बताइएको छ। एजेन्सी
