गत आर्थिक वर्षको पुस मसान्तसम्ममा २८ करोड ७९ लाख रुपैयाँ खुद नाफा गरेको यस कम्पनीले चालु आर्थिक वर्षको सोही अवधिसम्ममा ३२ करोड २२ लाख रुपैयाँ खुद नाफा कमाएको छ।
कम्पनीको विद्युत बिक्री आम्दानी बढेसँगै खुद नाफामा सुधार भएको हो।
समीक्षा अवधिमा कम्पनीको विद्युत बिक्रीबाट आम्दानी ५२ करोड ७६ लाख रुपैयाँबाट बढेर ५४ करोड ६५ लाख रुपैयाँ पुगेको छ।
कम्पनीको वार्षिक प्रतिशेयर आम्दानी २२ रुपैयाँ ९४ पैसा रहेको छ। त्यसैगरी, कम्पनीको प्रतिशेयर नेटवर्थ १२१ रुपैयाँ २१ पैसा रहेको छ।
२ अर्ब ८० करोड रुपैयाँ चुक्ता पूँजी रहेको यस कम्पनीको रिटेन्ड अर्निङ्गमा ५९ करोड ९ लाख रुपैयाँ सञ्चित छ।