बैंकले आफ्नो स्वामित्वमा रहेको नागरिक लगानी कोषको ४ लाख ६८ हजार ८२८ कित्ता संस्थापक शेयर बिक्री गर्न लागेको हो। उक्त शेयरमा इच्छुक विद्यमान संस्थापक शेयरधनीहरुले न्यूनतम १ हजार ५०२ रुपैयाँ ५० पैसा अंकित गरी प्रतिस्पर्धात्मक बोलकबोल पेश गर्न सक्नेछन्। कम्पनीको शेयरमा चैत १७ गतेसम्म आवेदन दिन सकिने व्यवस्था छ।
लगानीकर्ताले शेयर खरिदको लागि बोलकबोल गर्दा न्युनतम १०० कित्ताको लागि आवेदन दिनुपर्नेछ भने अधिकतम नियामक निकायले एउटा संस्थाले खरिद गर्न पाउने भनी तोकेको अधिकतम संख्याको सीमाभन्दा बढी नहुने गरी बोलकबोल पेश गर्नुपर्नेछ।
शेयर खरिदको लागि परेको बोलकबोल आवेदन चैत १८ गते खोलिनेछ।
