आगामी बजेटमा नाडाको सुझाव, सवारी एसेम्बलिङ्गदेखि स्पेयर पार्टसमा भन्सार महशुल छुटसम्म

Apr 05, 2021 02:15 PM Merolagani

युवराज बस्नेत

आर्थिक बर्ष २०७८÷०७९ को बजेटमा अटो मोबाइल्स क्षेत्रको समस्या र सरकारले पहल गर्नुपर्ने कदमबारे अटोमोबाइल्स एशोसिएसन अफ नेपाल(नाडा ) ले सरकार समक्ष सुझाव पेश गरेको छ ।

नेपालमै सवारीसाधन एसेम्बलिङ्गमा भन्सार तथा अन्तःशुल्क छुटदेखि स्पेयर पार्टस र विद्युतीय सवारीमा लाग्दै आएको भन्सार दर घटाउने बिषयमा नाडाले मुख्य ५ ओटा सुझाव दिएको हो ।

स्पेयर पार्टस

नाडाले स्पेयर पार्ट्स आयातमा लाग्दै आएको भन्सार महशुल दरलाई घटाउन सरकारसमक्ष माग गरेको छ । स्पेयर पार्ट्समा ५ प्रतिशत मात्रै भन्सार महशुल दर लाग्ने व्यवस्था गर्न माग गरेको छ ।

हाल सरकारले व्यवसायीबाट स्पेयर पार्ट्स आयातमा २० प्रतिशत भन्सार महशुल दर कायम गर्दै आएको छ । त्यस्तै अन्तराष्ट्रिय रुपमा प्रचलित एचएस कोडलाई सरकारले मान्यता दिनुपर्ने सुझाव पेश गरेको छ ।

लुब्रिकेण्टस

नाडाले लुब्रिकेटिङ्ग आयलको भन्सार महशुल ३० प्रतिशत कायम रहेकोमा २० प्रतिशत र वेश आयलमा १५ प्रतिशत भन्सार महशुल लाग्दै आएकोमा ५ प्रतिशत कायम गरिनु पर्ने माग गरेको छ ।

अहिले नेपाली बजारमा लुब्रिकेण्टसको माग ४० हजार किलो लिटर रहेकाे छ। स्वदेशी उत्पादन र अधिकृत आपूर्ति ३२ हजार केएल मात्रै भएकाले बाँकी आठ हजार केएल अनाधिकृत चोरी पैठारी भइरहेको छ । यसलाई नियन्त्रण गर्न भन्सार दरलाई २० प्रतिशतमा झार्नुपर्ने नाडाको सुझाव छ ।

टायर एण्ड ट्यूव

आगामी आर्थिक बर्षको बजेटमा टायर र ट्युबमा हाल २० प्रतिशत भन्सार महशुल लाग्दै आएकोमा अब १० प्रतिशतमा झानुपर्ने नाडाको माग छ । नेपालमा आयात हुने टायरहरु मध्ये ९० प्रतिशत भारतबाट आयात हुने गरेको छ ।

दुई तथा चारपांग्रे सवारीसाधन

अहिले प्रयोगकर्ताले प्रयोग गर्ने हेलमेटमा समेत सरकारले १५ प्रतिशत भन्सार महशुल लाग्ने व्यवस्था गरेको छ । यसमा भन्सार नलाग्ने व्यवस्था गरिनुपर्ने नाडाको माग छ ।

छिमेकी मुलुक भारतको तुलनामा एक नेपालीले दोब्बर मुल्यमा मोटरसाइकल खरिद गर्नुपर्ने अवस्था छ । जसको कारण दुई तथा चार पाँग्रेमा क्रमश. २५ र ६० प्रतिशत अन्तशुल्कको व्यवस्था हुनुपर्ने माग राखिएको छ ।

सवारी एसेम्बलिङ्ग

नाडाले नेपालमा एसेम्बलिङ्ग हुने चारपाँग्रे तथा दुई पाग्रे सवारी साधनहरुको हकमा अन्तशुल्क महशुलमा ५० प्रतिशत र भन्सार दरमा पनि ५० प्रतिशत छुटको व्यवस्था हुनुपर्ने माग राखेको छ । त्यस्तै तीन पाग्रे सवारीसाधनहरुमा रेविट फिर्ता २५ प्रतिशत रहेकोमा ५० प्रतिशतको व्यवस्था गर्नुपर्ने माग छ ।

नाडाका अध्यक्ष कृष्ण प्रसाद दुलालले प्राय सबै अटो कम्पनीले उद्योग विभागमा उद्योग दर्ता गराएर राखेको अवस्था छ तर,सरकारको सवारी एसेम्बलिङलाई प्रोत्साहन गर्ने तत्काल नीति नभएको कारण व्यवसायी लगानी गर्न पछिहटिरहेको बताए ।

‘अहिले टिभिएस र बजाजले नेपालमै एसेम्बलिङ गरिरहे पनि नाफामा नरहेको कारण एसेम्बलिङ उद्योगहरु खोल्न भन्सार र अन्तशुल्क महशुलमा ५० प्रतिशत छुट दिने हो भने नेपालमा धमाधम उद्योग खुल्न थाल्छन्’ दुलालले भने ।

त्यस्तै यात्रु बोक्ने व्यवसायिक प्रयोजनमा प्रयोग हुने गाडीलाई बिलासी गाडी सरह ८० प्रतिशत भन्सार र ६० प्रतिशत अन्तशुल्क लाग्ने व्यवस्थालाई पुनरावलोकन गरी माइक्रो बस सरह भन्सार र अन्तशुल्क कायम हुनेपर्ने माग छ ।

इलेक्ट्रक सवारी

इलेक्ट्रिक गुडस् क्यारियर जस्ता यातायातका सवारीसाधनहरुमा ३० प्रतिशत भन्सार लाग्दै आएकोमा यसलाई १० प्रतिशतमा झानुपर्ने बताइएको छ । ४० सिट भन्दाबढी क्षमताका बसलाई १ प्रतिशत भन्सार, चार्जिङ स्टेशन राष्ट्रिय नीति लागाएतको समेत माग छ ।

त्यसैगरी व्याट्री उत्पादन गर्न सकिने व्यवस्थाका लागि आवश्यक कच्च पदार्थको आयातमा १ प्रतिशत मात्रै भन्सार शुल्क, इलेक्ट्रिक सवारीमा पनि वर्गिकरण अनुसार महशुल दर कायम हुनपर्ने बताइएको छ ।

त्यसतै हाइव्रिड सवारीसाधनहरुमा अन्तशुल्क र भन्सार गरी २५÷२५ प्रतिशत महशुल छुट हुनुपर्ने व्यवस्था हुनुपर्ने सुभाव दिएको छ ।

comments powered by Disqus

बाइडनको पहिलो १०० दिनले राष्ट्रपति नेतृत्वकाे आउँदा दिनका बारेमा के बताउँछ?

May 04, 2021 06:55 PM

अमेरिकाका राष्ट्रपति जो बाइडनको पहिलो १०० दिन नजिक आइरहेको छ। यो बेन्चमार्क फ्र्यांकलीन डि रुजवेल्टले स्थापित गरेका थिए जसले सन् १९९३ मा आफ्नो राष्ट्रपति नेतृत्वको समयमा अत्यन्त फलदायी सुरुवात गरेका थिए र यसको प्रयोग सो समयदेखि हालसम्मका नयाँ राष्ट्रपतिलाई न्याय गर्नकालागि प्रयोग गरिन्छ।