गत आर्थिक वर्षकाे तेस्रो त्रैमाससम्ममा १ करोड २९ लाख रुपैयाँ नाफा कमाएको बैंकले चालु आर्थिक वर्षको सोहि अवधिमा ३ करोड ३ लाख रुपैयाँ खुद नाफा कमाएको छ। जुन १३३.५२ प्रतिशतले धेरै हो।
बैंकको खुद ब्याज आम्दानी र सञ्चालन नाफा बढ्दा उसको खुद नाफा बढेको हो।
बैंकको खुद ब्याज आम्दानी ६२ प्रतिशतले बढेर ४ करोड ३७ लाख रुपैयाँ पुगेको छ भने सञ्चालन नाफा १३२ प्रतिशतले बढेको छ।
गत वर्षको तुलनामा ६६ प्रतिशतले पूँजी बढाएर ७९ करोड ७३ लाख पुर्याएको बैंकको प्रतिशेयर आम्दानी १७ रुपैयाँबाट घटेर १४ रुपैयाँमा झरेको छ भने प्रतिशेयर नेटवर्थ ९० रुपैयाँ छ।
यस अवधिमा बैंकको निक्षेप संकलन ४५ प्रतिशतले बढेको छ भने कर्जा लगानी ३२ प्रतिशतले बढेको छ।
बैंकको खराब कर्जा ०.६४ प्रतिशतबाट बढेर २.१६ प्रतिशत पुगेको छ।