कम्पनीले हाल कायम चुक्ता पूँजीको ३० प्रतिशत हकप्रद शेयर निष्काशन गर्न स्वीकृतीका लागि नेपाल धितोपत्र बोर्डमा पेश भइ काम कारवाही भइरहेको छ। सो हकप्रद शेयर निष्काशनपश्चात कायम चुक्ता पूँजीको ४० प्रतिशत हकप्रद निष्काशन गर्न आयोगसँग स्वीकृती मागेको हो।
कम्पनीले निर्माण सम्पन्न गर्न लागेको माथिल्लो छन्दी खोला साना जलविद्युत आयोजना (४ मेगावाट) को लागतमा कोभिड १९ ले भएको बन्दाबन्दी र बाढी पहिरोका कारण भएको वृद्धि भएको कम्पनीले जनाएको छ। त्यसैले, सो आयोजना निर्माण सम्पन्न गर्नका लागि आवश्यक रकम दीर्घकालिन ऋण सोही आयोजनामा लगानी गरिरहेका बैंक अफ काठमाण्डू र कुमारी बैंकबाट माग गर्ने र हकप्रद शेयर निष्काशन गरी भुक्तानी गर्ने कम्पनीको भनाइ छ।
हाल बोर्डमा पेश भएको ३० प्रतिशत हकप्रद शेयर निष्काशनपश्चात कम्पनीको चुक्ता पूँजी ३८ करोड ६९ लाख ७७ हजार ५०० रुपैयाँ पुग्नेछ। सोको ४० प्रतिशत हकप्रद शेयर निष्काशनपश्चात चुक्ता पूँजी ५४ करोड १७ लाख ६८ हजार ५०० रुपैयाँ पुग्नेछ।
