यस साता ज्योति लाइफ इन्स्योरेन्सको शेयरमूल्य १३ रुपैयाँ १० पैसा घटेको छ। गत साताको अन्तिम कारोबार दिन ५४९ रुपैयाँ १० पैसामा अन्तिम कारोबार भएको इन्स्योरेन्सको शेयरमूल्य यस साता घटेर ५३६ रुपैयाँमा झरेको थियो।
यस अनुसार आगामी साता इन्स्योरेन्सको शेयरमूल्य ओरालो लागेमा ४८० रुपैयाँमा टेवा पाउने देखिन्छ। त्यसैगरी, इन्स्योरेन्सको शेयरमूल्य उकालो लागेमा ६०० रुपैयाँमा प्रतिरोधको सामना गर्ने देखिन्छ।
यस साता इन्स्योरेन्सको ५ दिने इएमए, २० दिने इएमएभन्दा तल रहेको छ। यसले कम्पनीको शेयरमूल्यमा सेलिङ प्रेशर बढी रहेको संकेत गर्दछ।
साताको अन्तिम कारोबार दिन इन्स्योरेन्सको शेयरमूल्यले लामो टुप्पी भएको रातो मैनबत्ती बनाएको छ। यसले सो दिन कारोबार अवधिमा इन्स्योरेन्सको शेयरमूल्य बढेपनि बिक्री चाप बढेपछि शेयरमूल्य घट्न पुगेको संकेत गर्दछ।
इन्स्योरेन्सको शेयरमूल्यसँगै यस साता भोल्यूम पनि घटेको छ। यस साता इन्स्योरेन्सको दैनिक औषतमा ८ हजार ३५३ कित्ता शेयर खरिदबिक्री भएको छ। यससँगै इन्स्योरेन्सको २० दिने औषत भोल्यूम ८ हजार ७४६ कित्ता पुगेको छ। २० दिने औषत भोल्यूमको तुलनामा दैनिक औषत भोल्यूम ४.४९ प्रतिशत कम हो।
ज्योति लाइफ इन्स्योरेन्सले चालु आर्थिक वर्षको पहिलो त्रैमासमा ७९ करोड १ लाख रुपैयाँ खुद बीमाशुल्क आर्जन गरेको छ। गत आर्थिक वर्षको यही अवधिको तुलनामा ५०.४२ प्रतिशतले बढी हो। गत आर्थिक वर्षको पहिलो त्रैमासमा कम्पनीले ५२ करोड ५३ लाख रुपैयाँ खुद बीमाशुल्क आर्जन गरेको थियो।
कम्पनीको खुद बीमाशुल्कसँगै खुद नाफा पनि २७.७७ प्रतिशतले बढेर ९ करोड २२ लाख रपैयाँ पुगेको छ। गत आर्थिक वर्षको यहि अवधिमा कम्पनीले ७ करोड २२ लाख रुपैयाँ खुद नाफा आर्जन गरेको थियो।
यस अवधिमा कम्पनीले लगानी कर्जा तथा अन्य आयबाट ९ करोड ५५ लाख र बीमालेख धितामा ५० करोड ६१ लाख रुपैयाँ लगानी गरी १ करोड २४ लाख रुपैयाँ आम्दानी गरेको छ।
यस अवधिमा कम्पनीले ८१ करोड ७८ लाख रुपैयाँ कुल बीमाशुल्क संकलन गरेको छ। कम्पनीले १५० वटा दाबी वापत ७ करोड ९७ लाख रुपैयाँ भुक्तानी गरेको छ भने १४४ वटा दाबी बापत ५ करोड ३७ लाख रुपैयाँ भुक्तानी गर्न बाँकी छ।
सो अवधिसम्ममा इन्स्योरेन्सको चुक्ता पूँजी २ अर्ब २० करोड रुपैयाँ रहेको छ। इन्स्योरेन्सको जगेडा कोषमा ६६ करोड १० लाख रुपैयाँ र बीमा कोषमा ४ अर्ब ५४ करोड ७६ लाख रुपैयाँ सञ्चित छ।
चालु आर्थिक वर्षको पहिलो त्रैमाससम्ममा कम्पनीको प्रतिशेयर आम्दानी १६ रुपैयाँ ४ पैसा रहेको छ ।साताको अन्तिम कारोबार दिनको अन्तिम मूल्य अनुसार इन्स्योरेन्सको मूल्य आम्दानी अनुपात ३१.९४ गुणा रहेको छ। इन्स्योरेन्सको बुकभ्यालु १३० रुपैयाँ ५ पैसा रहेको छ भने प्राइस टु बुकभ्यालु ४.१२ गुणा रहेको छ।
यस साता इन्स्योरेन्सको १४ दिने आरएसआई ३४.२६ स्केल अर्थात न्यूट्रल जोनमा रहेको छ। यसले बजारमा इन्स्योरेन्सको शेयर खरिदबिक्री चाप सन्तुलनमा रहेको संकेत गर्दछ।
प्राविधिक विश्लेषणका अधिकांश उपकरणहरुमा इन्स्योरेन्सको शेयरमूल्य बियरिश प्रवृत्तिमा रहेको संकेत गर्दछ।
हाल नेप्सेमा इन्स्योरेन्सको २ करोड २० लाख कित्ता शेयर सूचीकृत छ। इन्स्योरेन्सको १८० दिने औषत मूल्य ६७९ रुपैयाँ ४५ पैसा रहेको छ। त्यसैगरी, इन्स्योरेन्सको ५२ हप्ताको उच्च मूल्य ९९८ रुपैयाँ रहेको छ भने न्यून मूल्य ३६० रुपैयाँ रहेको छ। साताको अन्तिम कारोबार दिनको मूल्य अनुसार इन्स्योरेन्सको कुल बजार पूँजीकरण ११ अर्ब ७९ करोड २० लाख रुपैयाँ रहेको छ।
फियर एण्ड ग्रीड मिटरमा इन्स्योरेन्स अहिले फियर जोनमा रहेको छ। यसले लगानीकर्ताहरु इन्स्योरेन्सको खरिद गर्न डराइरहेको संकेत गर्दछ।
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि आफैले थप अध्ययन तथा विश्लेषण गर्नु आवश्यक छ।)
